Kansela woshikandjohoololo Guinas Elia Marthinu ota pula ekwafo moshiwana opo shi yambidide okamatyona Lucas Tsameb, a shivika nawa Iii Ivari.
Irivali ota tengenekwa eli pomido 20 nokwa shivika nawa okupitila komalungula eshi a kala e na ouvidio tau nyanyukifa oshiwana. Irivari vati okwa nyika ounghundi eshi paife iha dulu vali oku ende nawa, yee vati okwa li eli meembete moshipangelo konima eshi a monika opyakadi kexuli laye. Kansela okwa ti Irrivali opo ashike lekelwa moshipangelo konima yoifike itatu eshi a kala mo oule wefimbo lile.
“Okwe uya kombelewa yange Etivali loshivike eshi ta kongo ekwafo eshi ta dengwa kondjala, yee okwa popya yoo vali kombinga youkolele waye tau nyangwanyangwa paife,” Marthinu ta ti.
Onghee okwa ti otai indile moshiwana opo shi yambidide okamatyona aka opo ka dule okuveluka diva shaashi okwa pumbwa ekwofo lomendelelo. Okwa weda po ta ti ovakwapata vaye ava teve mu fiile oshisho navo ova pumbwa okuyambidida opo va kale ve na oikwafifo ya wana yoku mu yambidida. “Ovadali vaye ihava longo eshi navo tava nane noudjuu, ashike omafimbo amwe ohava xupa mepangelo eshi hava pewa oikulya nosho tuu,” ta hokolola.
Kansela okwa ti okwa kala nokuninga eenghendabala dokuyandja oikulya noshivelelwa meumbo lavo ashike ina va wanena. “Ohandi indile ku keshe umwe ou a kala eshi Irrivali opo e uye a yambidide okamatyona aka opo ka dule oku twikila nonghalamwenyo yak o iwa,” kansela ta ti.
Marthinu okwa weda po ta ti Irrivali oku li yoo vali moluhodi lainakulu ou a xulifa no tapakwa omafiku aa.
Ku keshe ou e na ehalo lokuyambidida nakwatafane nakansela 0812426759.