Ozomburo zombutiro zehi ozonanḓengu ozovakwatera avehe nu maze sokuhaṋewa movandu avehe mombwiro yawo avehe.

Imbwi oouye komeho mohoromende yOswanu ya Namibia otja korutuu rondendo yoviuṋe oyo ku mai yandja ombango rutenga tji ya kambura ohoromende kombunda yomatoororero wa Tjikukutu. Oswanu momayandero womueze mbwa zuko otji ya tjiukisire otuyano noturoto twayo mEpako.  Amai tja orukosi rwa kayenda nu rwa hungama koṋa kumwe uriri mbu ri omuti wongutukiro kehi yomuzire waro ku maku suva Ovanamibia avehe mbu mave kara nomasorero mombwiro nge ṱeki. 

“Ovandu va Namibia mu ve nouini wotjivara mozomburo zomuzura okutjita ongahukiro kutja outumbe mau hambuninwa momake wawo okuyandjera kangamwa auhe okurora ovihape vyongutukiro.” Mai tja ehi ngunda riri momake wovavapa novaungure ngunda ve ungurira kehi yozongaro tjimuna zoukarere nḓeeku sana na inḓo ovaugure mohuurire kaave ungurire kehi yEhika ra South West Afrika rOvaungure, indi Osouth West Afrika Labour Association, ousupi Oswanla. 

“Outumbe wombwiro wotjizeero mau sokurira wa avehe na ungurisiwa monḓero notja konḓero yOvanamibia avehe.” Amai zemburuka kutja oyo tji ya utirwe mo 1959, imwe yoturoto twayo ozongunḓe, yari okusembamisa otjiwaṋa tji tji hi nomutumbe nomusyona otja kozongunḓe za zosanyo pao kuvanyo na wina kutja ehi nda pundwa nokuvakwa rikotoke kovakwatera.  Ondando yarwe Oswanu ku ya utirirwe yari okupangiṋa ovandu va Namibia nokutwapo omirari mbi mavi hohiza ozonganda zomipepo norupa rovandu okuza motjiwaṋa.

Nehi rokongotwe rwayo indi, Oswanu otji i nongamburiro mozondando ndano, mbari zazo nḓeri ousopoke wombwiro yovandu na wina omananeno wouyara.  

“Nokuhino omakotorero wehi, konoo hungirire kongutukiro okuura- ongutukiro nokuhina ehi kai nomaheya…Oswanu mai tye kutja ongaro ndji i runduruke nambano nai-oukohoke mbwa wombisiwa oukohoke mbwa ruruparwa- opuwo.’

Tjarwe ovandu tji ve patwa outumbe. Owo movivara vyOswanu mbu kuramenwa po i yotjivara otjingara. “Oswanu mai tye omuano mbu mau yandjere ovaungure okukara nouini wozoperesende omurongo mozonganda zomipepo.”