Lahja Nashuuta
Konyara wokusika ko 250 vakere nomambo gawo kwamona ruhepo omu vagazungururapo morwa ruhanzo romvhura moVenduka kwedi kuna pitipo ngesi awo kuna kugava mpandu kondango zositata saVenduka omu vavatwara kevango lyewa oku navakatunga.
Mokukumbururako omu rwavagumine ruhanzo rwakere momaruha gokulisisiga mo sitata mokwedi kwaMurongagona, sitata saVenduka kwatokora nye kurundurura vantu ava vavatware kofarama 508, ezi zakara konyima tupu zevango ava tambura asi oakapale moGoreangab. Edinguro lyantani kwaNew era vantu vana kara kwina kuna kara tupu noudigu asi kwato sure, ntani kwato sipangero yina kara asi simwe vana kumona asi udigu. Kenneth Auchamub, gumwe ogu ana kara asi vareta kevango eli, atunde koOtjomuise 7 de Laan, age kageve ruhafo rwendi kwayi vavavatera. Age kuna kara nehuguvaro asi nondango dodoropa nadigava mbatero unene evhu kovantu vana kara asi kuna vagumu ruhanzo. Auchamub kwamudirura namukadendi, ntani vana vendi. Age katente asi mavango aga gomape kuna kara nye asi kuna kuvapa asi panakara evango lyenene.
Age simpe kadidilikire maudigu aga vana kumona omu kuna pili sure, sipangero yiaksayise ntani rutjeno kwato. Sinzi sovantu kuna kara noudigu asi vana vawo kupi navagwana erongo, morwa sure ure ntani mfuto zokomatuwa zina kanduka.
Mokugwedako kuna kara pumbwe asi ministeli zoukanguki zahepa kuretapo sipangero nampili sokukwateramo vagave mbatero kovantu ava vana tungu pevango eli. Sylvia Skywer, gumwe govatungimo gakere nage koOtjimuise 7 de Laan, nage kahefe asi ndando zositata zina vape evhu omu navavhura kutunga. Nage kageve egano lyendi asi kwatoi sure ntani yitiora ure. Udigu kuna kara asi vakondio vana kara novanona vakukadimbira sure koOtjimuise udigu unene. Yimo ana kutanta Skywer. Engelhardt Kahuva, musingi gotaxi ogu ana kara asi nage gumwe vadirura, nage kuna hara sipangero vasirete kevango lina. Age simpe kuna tanta asi evango lina kwakara noyikasama kuvhura yivaremeke. Aiden van Wyk age munasure konkurusure zaUnam age katente asi mavango aga vana gwana gomape maneen unene mawa nye udigu kuna kara kougendero.
-lnashuuta@gmail.com