Mulisa Simiyasa
Farama zoMoEtunda—Vanafarama wopopepi ntani vagendesi wonofarama kavagogomokere vawize pofarama zaPresidente gontoterwa Sam Nujoma poEtunda mosondaha vayagave mfumwa kwanakufa mpitisili gwawo. Nujoma kadogorokere momapeu masiku mosipangero sopaumwene moVenduka age nonomvhura 95.
Etunda kwakara konyara 30km kombiundakano zaOtavi konontere donzira tuna kutumbura asi B1. Momapuragero kumwe nonaNampa, Oscar Amuteta, mugendesi kurona gwaEtunda Trust, kayinkondopekere asi sinzi sovanafarama vadivikwa kuna wiza pevango eli vayagave mfumwa kwanakufa nokudiworoka Nujoma. ‘’ Vamwe nare vanatengura nominute tupu dongandi dinapitipo, ano vamwe simpe vava, ano vamwe simpe tavawiza,’’ yimo ana
kutanta ngoso. Amuteta kwarugana pofarama ezi kutunda mo 2015. Age katjangwilire Nujoma ozinakuru wonkenda ntani munafarama mwene mwene, ogu nage gakara asi gakambekago kekuliko lyomukunda kutunda tupu apa karanda Farama ezi poEtunda mo 1996. Nonkambadaro dendi dimwe edi garugana, Nujoma kwadikisa sipangero makura yiyo gasigava koministeli zoukanguki.
Age kwatura nongesefa dokulisiga siga muna hamene lodge, evango lyomaholi, sitora ntani evango lyokukarera yiviyauka nkenye.
Age simpe kwagava evango lyokusika ko100 eli navaruganesa ava vana hara kurandesa wokutunda koOtavi, Tsumeb ntani Grootfontein, omu navarandesa vagwanenemo eparu mukurandesa yirandeswa yawo ngwendi masini, nondingu ntani epungu.
‘’ Sinzi sawo owo wokurandenda, ntani vasingi womaroli, kuruganesa mema aga ntani yikasayise nokulikuhwa vahana kufuta,’’ yimo ana kutanta Amuteta. Vanafarama wokulisiga siga ntani vagendesi wonofarama vakara pepi ava kavahuyungire kwaNampa, kavageve ruguwo rwawo morwa nomfa daNujoma.
Awo kavatente asi elituromo lyaNujoma konondima, ntani monkarapamwe kapi ngavagwana ogu ngapinganenamo. Mugendesi farama Hoebome, gakara upumezuva waEtunda, Faustinus Hamutenya katente asi age kuna mugumu unene nomfa edi, morwa muswamane ogu kwalituramo mounafarama wokuweka nongombe. Paulus Haufiku, munafarama farama avatumbura asi Konrad North zaEtunda, katente asi mbudi zondona opo zina kuzuvhika hawe kwaguma unene vanafarama vaKonrad, sinzi sawo kavadingwire Etunda mosondaha ngurangura vayagave mfumwa zawo kwana kufa Nujoma. – Nampa