Auleria Wakudumo 

Oproyeka yokulihonga okunduluka oiuma yOshiwambo hai ufanwa Shiyuma Shiwa Sharing Art Project otai ka yandja omadeulo kOvanamibia va kufe ombinga mokulihonga okuma oiuma momafiku 16-22 Maalitsa 2025. 

Oproyeka otai ka ningilwa momukunda Ongula, omukunda u li pokati koshitukulwa shaHangwena noshitukulwa shaShikoto. Oproyeka oya totelwa po okuyambula po oihongomwa momikunda omo mwa kala hamu hongwa oiuma okudja meedula donale. 

Omukunhuwiliki woShiyuma Shiwa, Kleopas Nghikefelwa okwa holola ta ti oproyeka otai ka yandja omadeulo kovanhu 20 okudja moshitukulwa shaHangwena noshitukulwa shaShikoto. 

“Otwa mona nale ovakufimbinga 20, omo 10 va dja momukunda Ongula omo tamu ka ningilwa oshiindingili, navakwao ova dja koitukulwa ya yooloka,” Nghikefelwa ta ti. 

Nghikefelwa okwa weda po ta ti ohava futile ovakufimbinga olefa yoN$200. 

Oproyeka ei oya futilwa koNational Arts Council yaNamibia muKotoba 2024. 

Shiyuma Shiwa okwa ifana eenghulungu okudja koshiputudilo shounghulungu John Mwafangeyo naJohn Nampala. 

-wakudumoauleria@gmail.com