Auleria Wakudumo 

Elelo lodoolopa yaPuwo nehangano loNational Housing Enterprise (NHE) ova tula po eudafano opo va tunge omaumbo mOpuwo ovanhu ve na oiyemo inini, naayo yopokati. 

Eudafano eli ola tulwa po kelelo lodoolopa yaPuwo noNHE Etinhe mOndangwa moshitukulwa shaShana. 

Omukulunhuwiliki moNHE Gisbertus Mukulu okwa ti epangelo onghene tali twikile okuyandja oshimaliwa kehangano loNHE opo li tunge omaumbo taa dulu okulandwa kovakwashiwana. 

“Eshi ohatu shi tale ko shafa omaano okudja kepangelo okukandula po oupyakadi womhumbwe yomaumbo moshilongo,” Mukulu ta ti. 

Mukulu okwa weda po ta ti omaumbo ihaa tungwa ena oinima aishe opo a kale ehena ondilo. Omaumbo ohaa tungwa ashike ena okombifa, eenduda dokunangala nokandjuwo. 

“Etungo lombilixa ya shiya ko ohali kosho oN$90 000. 

Eumbo lina onduda imwe yokunangala ohali kosho oN$120 000 omanga eli lina eenduda nhatu li li poN$220 000 fiyo opo N$250 000,” Mukulu ta ti. 

Mukulu okwa indila elelo lodoolopa yaPuwo opo li yandje edu meendelelo opo tapu dulu okutungwa omaumbo ombilixa. 

Okwa ti okuyandja edu meendelelo ohaku kwafele ehangano loNHE opo li tunge meende l e lo nokuyandja omaumbo kovakwashiwana. 

Omukulunhuwiliki welelo lodoolopa yaPuwo MatjandaraTjihuura Katurota okwa holola olupandu kehangano loNHE eshi la tofa odoolopa yaPuwo okulongela kumwe navo. 

Katurota okwa ti mOpuwo omuna omhumbwe yomaumbo. 

“Ovakwashiwana vahapu mOpuwo, ovava vena oyuuyemo yookati nopedu ngaashi ovalandifi, ovapolifi novahongi. 

Ohatu ka kala twa hafa ngeenge otwa kandula po omhumbwe yomaumbo modoolopa yetu,” Tjeundo ta ti. 

Katurota okwa weda po ta ti elelo lodoolopa yaPuwo oleli longekida okulongela kumwe noNHE. 

-wakudumoauleria@gmail.com