Taimi Haihambo 

Opolifi oya lopota omukainhu weedula o33, wedina Haukusama Aune Simuna, oo afya omeva konima ali alonda okambautu pefimbo ali ta kendabala oku tauluka omulonga waKavango west oo wataula Namibia na Angola pokati, moshitukulwa shaKavango. 

Oshiningwanima vati osha ningilwa momukunda Kahoro moshitukulwa shaKavango. 

Olopota yopolifi oya yelifa kutya Simuma okwa fya omeva pefimbo ali alonda okawato pamwe nava kwao vanhe. 

Okawato aka vali valonda pamwe nava kwao vati oka tenguka, nomo ku tenguka kwako, aveshe ova wila momulonga, omo vakwao vanhe vati vadula oku yowa, yee Simuna ta dulika eenghono komeva nokuxulifa. 

Omupopiliko wopolifi moNamibia Kauna Shikwambi, okwa ti olutu laSimuma fiyo onghela, ka lali la kufwamo momulonga. 

Moshiningwanima shafaafana opolifi natango oya lopota Italy Rietz omunamido 23, oo axulifila koshitulwa shaTjozondjupa, konima eshi awila metale hali ufanwa Omatako, momukunda Osire. 

Rietz, vati okwa li ta kendabala oku taulaka etale pefimbo ali ta lifa ndele ta wilemo. Omufita weengoba mukwao okwa kendabala ngeno oku munanamo, ashike okwa nyengwa. 

Olutu laRietz vati ola ka hangika momukunda washikulako, oo uli eemita o15 naapa awila. 

taimihaihambo2000@gmail.com