Oumune mbwa yandjerwe i yotjombanguriro tjOkombanda tja Tjomuise Oritjavari mOtjiposa tjOtjiṱiro Otjindjandja ouṋa wopokati kotuveze uriri ngunda otjiposa otjini katji ya puratenwa.
Tjiri mu Seninarindi mo-2026. Oritjari yari oumune wotjombanguriro uriri mongondjero yovaningire, mberi Olandless Peoples Movement (LPM) nozombara tjiva zomauhonapare wombazu wOvakwena nOuhonapare wOmbazu wOvaherero kehi yOmbara Otjitambi Mutjinde Katjiua.
Kutja ohoromende yEhi rOvandoitji i ye kurihungirira po oini nokuritjirura motjiposa itjo otjini ombura ndji mai yende. Ozohoromende azeembari, ya Namibia noyOvandoitji, mu vyarwe ovingi, pu za nanenwa kotjombanguriro. Okuzirira konḓuvasaneno ndji ze ri toorera mOtjiṱiro Otjindjandja. Oritjavari otjombanguriro tjei nakaurire, nandarire kokutja ohoromende yehi rOvandoitji oini kanaa ye yere komurungu wotjombanguriro. Aya hungiririrwepo i yozohahende zohoromende ya Namibia.
Ondimwa youmune wotjombanguriro Oritjavari yari kokutja ovaningire ngunda ave hi ya kondjisa okunanena ehi rOvandoitji motjiposa hi va sere kutja rutenga, otja tji pa sere okukara, va kondjisa okuvasisa ondjivisiro kEhi rOvandoitji okurinanena motjiposa tji otjehi ropendje nerikuramene kuro orini ndi he ri kehi ya Namibia.
Motjiposa tjingetjo ovaningire va ningira kotjombanguriro kutja omauhonapare wombazu tjiva wOvaherero nOvambanderu, ye rire orupa natjo. Mu mu na owoo Kambazembi, Maharero, Zeraeua, Hoveka nowo Vaherero kehi yOmbara Otjitambi Hoze Riruako. Ngeri mehika ra Kandjoze. Omuhaamise wovihavero vyokomiti ombitise yozombara za Kandjoze, Mbakumua Hengari, ma tja otjiposa tji ve kongorera nokutarera popezu nu wina tji tji ve hi na ouzeu natjo mondimwa yatjo. Tjinga ayeri ongondjero ndjiri momuhunga tjingewo imbo wawo wokupaha otjisuta nokuhina okuiivaiva poo okutaviza posyo. Nungwari amave kara nongurameno nonguta mutjo ma hepa okutyasana nozombara ze kutja tjii hapo otjovandu mba tamunwa kourike wawo ku ku he ri mOtjikandjoze mave tjiti vi okuza mba.
Otja kovatjiwe voveta omundu okunanenwa motjiposa orondu, tji mu notjiposa itji tjOtjiṱiro Otjindjandja ozombara zarwe zOvaherero nOvambanderu otjombanguriro mu tja yauza omananeno wawo mutjo, orondu tji tji he ri otjomundu kuye omuini kouruke we nungwari harukuru kutja tja hungamwa munda umwe poo warwe, tji tji nomuano umwe poo warwe mbu matji ṱunu kozombara inḓa nḓa nanenwa mo mutjo noviwaṋa vyazo.
Kutja okuza nokunanenwa mutjo i yotjombanguriro otja tji tjari otja keningira rovaningire votjiposa tji, tjimuna tji va harere okuningira ehi rOvandoitji, tja sewa kovananewa mutjo kutja mave tjiti vi.
Mave mwina uriri kumwi atji ya atji kapita atji hungama koṋa ku matji hungama poo ve sekamene tjo averi kutu kutja nokuhina okupata omake mumwe nokutjitarera uriri.