Rundu- gonomvhura 21 mugara, Immanuel Kasera, karumuvetere ruvadi kumwe nokufa poopo moutano kaupwire. 

Mosihorokwa simwe sokulikarera, mukadi gonomvhura 26, nage karumuvetere ruvadi nye age kapi kafire. Vavali ava kayihorokere mavango gokulisiga-siga ponomukunda Kanyikama naMpungu, moKavango zoutokero. Mokukwama nye mukurona govaporosi moKavango zoutokerokomisare Julia -Neo, Kasera kadogorokerere poopo kayihorokerere. Sipimpo esi kasihorokere age Kasera kuna kulisa nongombe kumwe nasipwa sendi. 

Kavayitente asi mvhura zonene kazirokere sili, ano nakufa makura yipo nye karumuvetere ruvadi kayitwarederere aligandere pevhu. Ano simpwa sendi makura yipo kadukire aze kembo akatante sihorokwa sangesi akatantereko vekoro, yimo ana kutanta komisare. mosihorokwa naso peke, moomo moutano, 16 January 2026, koyiha yonovili 16h00 mukadi ogu ana kara asi Edina lyendi simpe kapi vana ligava paveta nampili ngomu asi age kamwene kanyando koruvadi. 

Kuna kuzuvhika asi gonomvhura 26, kakere mepya oku taherere mepya lyendi kumwe nasipwa sendi omu nye karumuvetere ruvadi pevango nalyo peke nye momukunda gumwe tupu. 

Yitundwamo kuna kulikida asi age karemanene unene kosipara nomonturo, ntani maguro nagenye. 

Age kavamudukisilire kosipangero omu kava kamukonderere mosipangero sepangero saNankudu omu ana kusivana asi kwakukora monturo nye kuna kumoneka asi kuna kara momukaro gomuwa ,’ yimo ana kutanta mukurona govaporosi moKavango zoutokero. 

jmuyamba@nepc.com.na