Opolifi moshitukulwa shaShikoto oya lopota omulumenhu a hangika a xulifa moixwa popepi noshipangelo shaTsumeb ashike olutu laye ola ninga nai. 

Omulumenhu ou okwe lituwa Etivali efimbo lomutenya komukwashiwana kwa li ta ende ponhele opo. 

Omukulunhu woshikondo shokukonakona oimbuluma moshitukulwa shaShikoto, omupedukomufala Titus Ekandjo okwa koleka oshiningwanima eshi.

Okwa ti fiyo opapa kape na ouyelele kutya omulumenhu ou olyelye shaashi okwa hangika a ninga nai. 

“Omulumenhu ou ita dulu okudimbulukiwa. Otaka ningilwa omakonakono o-DNA opo ku talike kutya olyelye,” ta ti. 

DNA ohai kwafele opolifi okuyandja ouyelele kutya omunhu olyelye, unene tuu pamaludi oiningwanima ei. 

Omudo wa dja ko muDesemba, opolifi oya pota omulumenhu ta kongwa konima eshi elivaka moshipangelo shaTsumeb. 

Ovakwapata vomulumenhu oo a kana, ova koleka onghela tava ti fiyo opapa omulumenhu ou ina monika ashike paife ova kwatwa komalimbililo kutya pamwe oye e li tuwa a xulifa. 

“Nafye otwa shivifilwa kopolifi kutya opena omulumenhu e li tuwa moixwa a xulifa popepi noshipangelo. Otwa teelela oidjemo yo DNA ngeenge oya pu okuningwa polifi,” ta ti umwe womukwapata ta ti. 

Okwa ti fiyo opapa itava dulu okupopya kutya omulumenhu ou e li tuwa oyo u womupambele wavo. 

-fhamalwa@nepc.com.na