Omukainhu weedula 44 okwa kwatwa po eshi vati a kwata onghonga okamatyona keedula 10 kambulavo. Omufekelwa oku li omumwaina naina yokamatyona 

Oshiningwanima osha ningwa oshivike sha dja ko koTsinsabis moshitukulwa shaShikoto meumbo lavo. Omukulunhu koshikondo shokukonakona oimbuluma wopolifi moshitukulwa shaShikoto, omupedukomufala Titus Ekandjo okwa koleka oshiningwanima eshi. Opolifi oya hokolola tai ti omufekelwa okwa ufana okamatyona ndele te ka dula fiyo ta i nako moixulo. Ina ya kamatyona ina hangika mo meumbo pefimbo loshiningwanima.

Otaku hokololwa kutya okamatyona oka lombwela ina kutya otaka vele koulumenhu wako. Okudja opo oka lombwela ina kutya oka longelwa omunyonena wopaixulo komukainhu oo wambulavo.

Omufekelwa ota holoka nena momhangu yaTsumeb.

Ota pangulilwa oshibofa shekwatonghonga. Nakuninga oshihakanwa okwa twalwa koshipangelo opo a ka ningilwe omakonakono opaunamiti. Natango omudo wa dja ko, moshitukulwa shaShikoto omwa lopotwa omukainhu a kwata okaana kaye kokamati onghonga. Opolifi oya kumaida ovakainhu opo va xulife po okulongela ounona voumati ominyonena dopaixulo. 

-fhamalwa@nepc.com.na