Auleria Wakudumo
Ovadanitanga pofikola yaImmanuel Uahengo moshikandjohongo Endola moshitukulwa shaHangwena otave lilongekidile efiyafano lokatanga kokeemhadi olo la teelelwa li ka kale ko muFebuluali neudo.
Omakondobolo okwali taa li ehete pokati kovahongwa vondodob onhihetatu nondodo onhimuwoi.
Omudeuli wovahongwa pofikola, Daniel Henghono okwa holola kutya ovahongwa otave li longekidile efiyafano olo tali ka danwa keengudu adishe.
Efiyafano otali ka hoolola ovadani dingi ovo tava ka kalela po ofikola. Ovo tava ka hoololwa otava ka kala hava kalele po ofikola momafiyafano neefikola dimwe ile noikandjo imwe.
“Paife otava ningi ashike omalongekido opetameko. Ovahongwa ova kala yo hava fyaala po konima yeetundi opo va ninge omadewo,” Henghono ta ti ngaho.
Ovo tava ka ka hoololwa, otava ka mona omhito iwa okukala tava ende neefikola da yooloka eshi tadi ka hovela omafiyafano ovadani dingi.
Ovanyakwa unene oo ena omakipa a kola ohaa hoololwa yo opo a kalelepo eengudu detanga momikunda. Eshi tava dana peenhele di lili noku lili, vamwe ohava mono omhito yokukufwa po keecluba detanga dokedoolopa.
Omudeuli wavo okwa holola kutya molwaashi ofikola yavo oi na ashike fiyo ondodo onhimuwoi, ohashi kala shidjuu okumona ovadani va kola vahapu.
Okwa ti vahapu ohava di ashike ondodo onhihetatu nonhimuwoi shaashi ovo va kasha ve dule vakwao. Ashike nande ongaho, omudeuli okwa ti oto dulu okumona omanyakwa mokatanga okudja meengudu dinini ngaashi mondodo onhiheyali fiyo onhinano.
Immanuel Uahengo Combined okuna ovahongwa ve li 570 lwaapo neudo.
