Rudolf Gaiseb
Presidente Netumbo Nandi- Ndaitwah kunakukazegurura nayina mbongarero zanavenye zountantatu ezi zina kutameka nayina nosirugana sazo. Silika sangesi kuna kukatameka nye nositurwapo sina kutanta asi tuhaneseni sirugana sondango ezi, omu nasireta ekuliko kwetu ntani kutamununa udemokoli.
Muhuyungilipo ndango ezi ogu ana kara asi Sakeus Kadhikwa nkera katente asi marongikido kuna kara gana kwato moyitji, muna hamena vakwayita vana kuyalyatera eyi yina kara asi oyo kuna horoka ngurangura.
Age kayitente asi mvhura zina puko kapi kwakere ezegururo lyopaveta, morwa kwakere asi epangero eli nalinye lyo 8th paegendeso kwakere tavaliganesa mosirugana esi mwaNsinano. ‘’ Mokukwama ediveta lyosirongo, ntani ngendeseso ezi zakarapo zombongarero zanavenye, ezegururo lyopaveta lyahepa kukarako mezuva lyokuhova lyaMurongankuru eli ali karako asi nkenye apa mwaMurongankuru,’’ yimo ana kuyitjangurura ngoso.
Noveta nye edi vana kundindira vaditure mosirugana siruwo nye esi vana kukahingira ngombongarero zanavenye mo 2026, public enterprises and Governance amendment bill, petroleum (exploration and Production amendment bill, the land bill, mental health care bill, regional council amendment bill, public accountants and auditors bill and income tax amendment bill.
Kadhikwa katente asi ezegururo paveta lyoparlimente kuna hamenemo vakwayita vana kukaroya mauta, omu navakaroya yikutji 21.
Age kaididilikire asi veta nye zewapukururo zevhu, zoukanguki kwavawokuvera momutwe, ntani veta zovakansela wonomukunda horowero kunakara asi nado noveta wapukururo edi navatura nye positafura vakaliyongeko. Novata wapukuro mbali edi vana kundindira kuna kara nye public accounts and auditors (2024) ntani veta wapukuro zoyiwizamo yosirongo edi dina kara asi nadi vahepa kudiwapukurura diyasike momaliyongo kwedi oko kuna kuwiza. Novata nadinye edi kuna kudidira vadi ture positafura sombongarero zanavenye momvhura zeezi tuna kara ngesi 2026.
‘’ Nampili ngoso, eyi kuna kuza nye melikwamo omu navadireta nye woministeli zoyipangura noyirugana ,’’ yimo ana kufaturura ngoso Kadhikwa.
-rgaiseb@nepc.com.na