George Nghifikwa oo ashiivika nawa mowela onga CB-Mawela nokuli omushikingalo moshitopolwa shaanooli, okwa ti yee okuna ohole oshoyo ekwatafano lapama novanyasha moshitopolwa, noshemufininika akale hashiki eengalo tadi tungu ovanyasha onga omukalo wokuholola ohole yaye kuvo. 

CB-Mawela okwa ti ondjila yaye yoku shika eengalo okwe itameka nale pefimbo leedula o 12. 

“Omo nokuli handiti oshitalendi ondeshipewa kovadali vange, shaashi tate okwa li omushiki ngalo kamana, yee meme wange okwa li naye ha imbi,”ta ti. 

Ashike nande mowela akalamo ngoo tadenge ondjimbo, okwa ti kashali lela shipu kuye shaashi ovanhu vahapu kavali vemushi lela. 

“ Ina ndikala lela handi mono omhito yoku kashika dange ngeno momukalo wokufutwa, nokudja opo onda kwatwa kedilaadilo ndikamane elihongo lange, ame ndiuye ndi twikile nale neengalo nale,” ta ti. 

CB-Mawela okwa ti eshi amana elihongo laye, natango okwa shuna mokapale kokushika eengalo, ashike paife ote shiningi oye auke. 

Mu Desemba vati ota ka pitifa Oalubuma yaye yotete, oyo hai ufunwa Solo Ride, pomukunda Okambebe moshitukulwa shaHangwena. 

Ota indile oshiwana oshoyo ovakwashiwana vopomudingonoko veke muwaimine muDesemba, va hafele pamwe, voo vatale yoo eshi teshi endifa paife mowela. 

Okwa wedapo yoo kutya, natango ota twikile noku shika eealubuma odo tadi nyakula oshoyo oku hekeleka ovanyasha. 

-Taimihaihambo2000@gmail. com