ONDANGWA – Hileni Ndjeke weedula 57 ou a denga nyamunghwawo neengonyo, okwa anyenwa omhito yokulifutila mo modolongo eshi a holoka momhangu yaNdangwa onghela.

Oshibofa shaye osha undulilwa komafiku 13 Apiilili 2026, nelalakano lokuninga omakonakono omoule. .

Opolifi oya koleka kutya nakuninga oshihakanwa weedula 51 okwa xulifa Etitatu koshipangelo shaNandjokwe. 

Nakufya okwa tongolwa oye Julia Katyati.

Oshiningwanima osha ningwa Osoondaxa keumbo lomulumenhu wavo komukunda Onyelelelo moshitukulwa shaShana. 

Omukulunhu wopolifi moshitukulwa shaShana Commissioner Naftal Sakaria okwa koleka oshiningwanima eshi. 

Opolifi oya hokolola tai ti nakufya okwa ya keumbo lomulumenhu waye ou e li omushamane womufekelwa. 

Omhangu oya tai ti omutamanekwa ou ota pangululilwa oshibofa shokudenga omukainhu mukwao.

-fhamalwa@nepc.com.na