Evango tuna kutumbura asi Namibia Training Authority (NTA) mukurona gwazo pamberewa Erick Nenghwanya kageve maronmdoro asi nosure ndi mavango gana kugava erongo nye awo kapi valitjangesa mazuva gawo gokuvahagekesa gana siki, omu navakaza vakavapatese mavango gawo.
Age kahuyungire nonkango edi posiruwo sokuzegurura evango lyawo mo 2026 lyokulirongera unkurungu lyomvhura zompe moVenduka sivike kasipwire.
Silika esi kavakerepo vanamakuto wokulisiga siga, ano ava vana kudeura kavavatarere mositurwapo asi marundururo gokuretesapo mauwa; omu mye yina kara asi meho zetu zahepa kupama nehuguvaro. ‘’ Siruwo nye esi ono kurugana erongo lyokomawoko, nye ove kapi walitjangesa, mwahepa kuyidiva asi mazuva geni tuna gatura nonomora.
Ose ngatu wiza tuvapate evango lyoge olyo, yimo ana kutanta. Nenghwanya kayididilikire asi ava vana kara asi kuna kurunga yirongwa yokomawoko, nye ove kapi wakwama nongendeseso, kupira kusikisamo noveta dosirongo nonongendeseso nadinya.
Mukurona ogu pamberewa, kayididilikire asi awo kwakara tu[pu nononkondwa dokusika ko 71 edi vatjangesa paveta.
Age simpe kadidilikire asi mavango gawo aga ngesi kuna kutameka nye mvhura zompe omu vana kara novarongwa vana litjangesa wokusika ko 13 500.
Vakadona kuna kara nonoperesenta 55% mosivaro nye oso tuna gava, eyi nye yina kutanta asi awo kunakra 7432. ‘’
Sivaro esi kuna kusindindira sikanduke ko hena, morwa komavango getu gamwe elitjangeso simpe kuna kutwima. ose kuna kara nomavango gokusika ko 71 aga vatjangesa paveta yimo ana kugwedako.
Ministera gona gerongo, unkurungu, vadinkantu, maudano, ntani mpo, Dino Balloti, katente asi magano twakara nago asi sure zokomawoko nayimwesi, ose kwayidiva asi ntudi nsene ono dopa kosure zelirongo ntani nye ono kuwiza koTVET, ngesi uzuni kuna kukalitjindja.
Ekonomi kuna kuza likalitjindje morwa nampili ngokakare nodegree zoge kapi ngayikwasa morwa ngava kapapara ogu gadiva kurugana yirugana oyo nomawoko.
Ano mokukwama nye ministera Sanet Steenkamp, kuna kutanta asi sirongo sina pumbwa vantu vana kara noudivi omu nye navarundurura udivi uze mosirugana.
MEIYSAC kuna parapo asi Namibia kahepa simpe kuza komeho akakare asi sirongo soudivi wokomawoko. ‘’
Nzodi zetu simpe kuna kara asi; ose kuna hara sirongo somandengu. Ogu nye nage kakakere asi muhuyungi posilika sangesi, gokoGobabis wosure zonkurungu ntani munangesefa kadi, Rebbeka Neumbo, kageve magano gendi asi asi ava vana kudeura vana kukwamako, kavarondwere asi kwato kupulisira nkarapamwe zitokore asi asi yinke yokomeho nye vahepa kuyitura vene.
‘’Ose twahepa kudika kuruganesa mawoko getu. Somulyo po unene twahepa kutunga ose tuna kara nonzodi zetu,’’ yimo ngoso ana kugwedako.
-Nampa