ONDANDWA – Oshibofa shovalumenhu vahamanho ovo va kwatwa po mekwatafano lefyo lomunailonga komhangu yaMangestalata mOndangwa Justine Shiweda, osha undulilwa komafiku 20 Aprili 2026 konima eshi va yandja omanyenyeto avo kumangestalata.
Ovatamanekwa ava ova holoka momhangu onghela.
Ovatamanekwa ovo Lukas Mekondjo Nekwiyu, Mateus Mewiliko Abner, Petrus Panduleni Nadhipite Usiku, Nghilifavali Johannes, Petrus Kuume Shikwaya naFillemon Nakanduungile.
Omut amenekwa Abner Mateus okwa nyenyeta ta ti eshi e li modolongo ina pitikwa okupopya nofamili yaye osho yo novatamanekwa vakwao.
“Ondahalanokuningaomaindilo eehaende wange wopaumwene ashike onda ngabekwa okuya mekwatafano novanhu ve li kondje yodolongo,” ta ti.
Okwa ti kashi li pauyuuki molwaashi naye omunhu ngaashi naana ovanhu aveshe.
Mateus ngeenge ta etwa komhangu alushe oha ende e li motuwa konima elimo auke, omanga ovatamanekwa vakwao ohava ende motuwa imwe.
Otaku hokololwa kutya Mateus oku li vati oye omukulunhu wavakwao e kwetele komesho oshikumungu eshi shefyo laJustine Shiwedha.
Pefimbo ve li momhangu haende ou a kalela po omutamanekwa Fillemon Nakandukile, naye okwa nyenyeta ta ti oha shingi ta di koWindhoek ta i kendiki li li moGrootfontein oko ku na ovatamanekwa ashike oha pewa okafimbo kashona.
“Nge enge handi popi naNakandukile ohandi kala ashike ndi li pokati kovanhu osho shi li ina ndihafela shaashi ohatu kala hatu popi oinima yetu yoiholekwa,” ta ti.
Okwa pula opo a pewa efimbo la wana ngeenge ta po naNakandungile shaashi ota longo oilonga yaye onga haende yopaumwene,” ta ti.
Okwa weda po ta ti okwa pumbwa okukala ta popile mombelewa yonhumba muna oshitafula opo a dule okushanga ouyelele oo ta lombwelwa kuNakandungile.
Mengestalata Ndjembo Verukua okwa popya ta ti omanyenyeto ovatamanekwa ava okwa tambulwako.
Okwa ti naashi osha eta opo a undulile oshibofa eshi komesho molwomanyenyeto avo.
Opolifi oya hokolola tai ti Justine Shiwedha okwa ponokelwa omudo wa dja ko pefimbo a hangika motuwa ndele ta tilwa omeva oudiyo nokuyashwa kovatamanekwa.
Okwa xulifa neudo koshipangelo koWindhoek.
-fhamalwa@nepc.com.na