Onḓuvasaneno Yapamwe pokati kohoromende ya Namibia nongwao yEhi rOvandoitji yayarukirwa nu ma ituwa kotjihungiriro mOmbongarero yOtjiwaṋa ngunda aihiya tuwako omunwekembo.
Operesidenda Netumbo Nandi-Ndaitwah matja. Mehungi re ohunga nongaro ehi muriri Oritjatatu mOndjuwo yOzoveta.
“Oure wozombura omurongo nai ozohoromende ya Namibia noyEhi rOvandoitji zekara aze tiasana ohunga nOtjitiro Otjindjandja, Ondjesiro nOtjisuta kOtjitiro Otjindjandja tjOvaherero nOvakuena tjo 1904-1908,” matja. Naweza kutja ihi tja tjitwa nomeriyandjero ngaa yehapokere wohoromende, no hauzeu yOkomiti Yapeke Yoporotika yOkambineta, Ombiri yOzombara nOkomiti yOzonongo.
Kutja peyenene oku kara omayetero wokotjikoro wotjina itji mapeya komurungu womatyandero womburandji.
Mu nao opu matja ma ve tandere kombango yaavehe motjiporotika okuyeta otjina itji kotjikoro nokuuta otjiungura tjo mberukiro tji tja undjwa rukuru.
Omunane wOpopular Democratic Movement (OPDM), McHenry Venaani, oruveze romapuriro okuza kouṋepo wondjuwo yozoveta kombunda yehungi rotjiuru tjehi, wa va ngere okuzuva mutjoa kutja tjii hapo ongwaye ohoeomwende tji undjira kutja OJD iyakurwe ngunda otjimariva tjayo tjikuza oo tjisuta atjiri Ozondora za Namibia omatau o-18 uriri.
Okusasaneka nomatau nomatau nai ohoromende yEhi rOvandoitji ngu ya sutu Ovajuuta ozombura nozombura nu ngamba ngu yi kayenda komurungu okuvesuta. Otjiuri tjehi pu tja zirire kokutja ezeva oritja omirongo vivari ara rundururwa.
Oro ndaa riraisa kokutja otjimariva itji omatau o-18 tji tja zu no ku sutwa oomayandero kanaa ku ka tamunwa otjimariva tjarwe okuza kEhi rOvandoitji tji ma kuzu otjisuta mena rOtjiṱiro Otjindjandja tjOvaherero nOvakuena.
Otja koma tarururiro wOmaraisiro Yapamwe, owo n gunda nai ngeri oura woveni kutja imba oveni imba oo uṋe, otjimariva kehi yayo tjari atji hiyarunduruka kaparukaze atja kurama pomatau ape o-18.
Pendje nokutja ka koure wozombura o-30 nambano.
Ngunda wina ezeva rimwe muwo arari kokutja ndoovazu oviwana mbya ihamwa vyahara otuhepo twarwe, maviyenene ok utu raisa kohoromende yEhi rOvandoitji.
Pupeheri koutja pakurama kokutja kangamwa otuhepo oviwana imbi mbi vyaraisa kuyo, oyo mairipurire kuvyo. Mapeya aitjiti nao poo aihatjiti nao, Kapena ongwizikiro kaparukaze mOmaraisiro Yapamwe otja tji ya rundururwa kutja tjipa kara otuhepo twoharive itwo, otjimariva tjiri pehi oviwaṋa nga vi ka havare.