Ndinondi Oswapo ya Namibia inondjozikiro kokanepo kayo nomuzapamwe omuyaruke James Uerikua. 

Muhuka ndiri Oroviungura ariri romapanga notjikutu. No Sondaha otjeyuva ndi ya purirwa eombo apena otjiungura tjombongo tjonngumbiro nokereka okuza momurongo naimwe yomuhokomunene. Omandsaha omayuva tjiyeri o-13 otjitamba tjozon getjefa novazapamwe ovaṱuta. Noritjavari ape kongorere otjozikiro mOtjiuarongo nOritjatatu akotoka kotjihuro ondjuwo yozoveta tji ma iye kumuopa ondjozikiro popayo. 

Omutambo we wa utire okuza konḓiro ye, Oritjatano ndazuko omayuva tjiyari yetatu komweze imbwi. Eye nomuzandona we wozombura o-14, Ventiro, vaṱire moumba wetemba mondjira pokati ka Tjiuarongo na Kakarara Oritjaine ndazuko. Okuza nganduu nai ovimbumba ovihuhumiṋe vi woronganena poyao mOkatutura mOmuvanda imbwi Oherman Kaundje. Movaheṋendu ovatenga mba ka huhumiṋine eṱunḓu re eengwi ngwari Operesidenda komurungu yaindjo ndjiripo nai, Omuheṋendu Nangolo Mbumba. Oritjavari Otjiuru Tjehi, Netumbo Nandi-Ndeitwah, otja ka huhumiṋine eṱunḓu wina pa yandjere ombinika ye yoruhoze ku ngwatjere kayari omuzapamwe motjira tjao tjo Swapo uriri, nungwari wari omwatje we. Operesidenda ama irondere kombinika yazo yoruhoze ndjiya yandjere rukuru nu ndja handjaukire mozombuze. Tjatjere Uerikua wari omunane omutanda woruyaveze nonḓiro ye kambandjarero kotjikuti tje uriri nunguari kehi arihe.