OSHAKATI – Elelo doolopa laShakati, ola taalela oshitufi shakula shomalihafifo osho sha shivika nawa Mayoral Cup.
Omupopiliko wodoolopa, Martin Kapuka okwa ti oudano ou otau ka ningwa oshikando shitihamano paife ngaha, nokwa teelelika u ka kale ko mo 1-4 Mei 2026, kokapale komaudano kakula kaShakati.
Kapuka okwa ti oudano inau nuninwa ashike ovadanitanga, ndele owa nuninwa yo ovanambelewa voikondo ya yooloka, ovamwenyeki, ovanangheshefa osho yo ovakwashiwana aveshe koonono.
“Oudano ou otau ka eta yo ovanyanyamau lu vomodoolopa pamwe, unene moudano wetanga oo tau ka kala meengudu mbali oYouth Soccer noLegend Soccer,” Kapuka ta ti.
Okwa yelifa yo kutya oudano owa teelelika u ka kale momukalo wefiyafano yakula, nokape na osipana tai ka vena ndele otayi i keumbo eenyala dongaho.
Kapuka okwa ti omufindani wotete koYouth Soccer okwa teelelika a ye keumbo noN$35 000, omufindani omutivali okwa teelelika a ye keumbo noN$20 000 omanga omufindani omutitatu ta i keumbo noN$5 000.
Koudano weeLegend Soccer omufindani wotete okwa teelelika a ye keumbo noN$15 000, omufindani omutivali ota i keumbo noN$10 000 ye omufindani omutitatu ota i keumbo noN$3 500. Omalishangifo okukufa ombinga moudano ou oku na N$1 200 koYouth Soccer, omanga koLenged Soccer e na N$1 000.
Mayola wodoolopa ota indile ovakalimo vomodoolopa osho yo vomeedoolopa dopopepi ve uye va hafele pamwe.