Ouministeli wouhaku noukalinawa owa yandja etumwalaka kutya otau ka xulifapo omangeshefelo omakaya oo a shivika nawa ‘tobacco’ moshilongo.
Edi oda popiwa komupedu minista wouhaku Suzan Ndjaleka kutya otava kalongela kumwe nouministeli womakwatafano oinima yomeni nokondje, opo va dule okuhangakanena oshikumungu eshi.
Ndjaleka okwa ti ova kala ve na omutumba womafiku atatu, omo kwa li tava kundafana shi na sha nelongifo lomakaya moAfrica, nova didilika omakaya aa taa endelele unene ngeenge tashi ya pokuteya po omaukolele ovanhu moshiwana unene ovanyasha.
“Eedula needula da ka pita alushe ohatu yakula omikifi da nyika oshiponga, dimwe inadi monika nale, ndee unene ohatu di yakula ashike movanhu ava havanhu omakaya,” ta ti.
Okwa twikila yo kutya ova didilika omafyo ahapu nomikifi da etwa kelongifo lomakaya aa, osho yo eembakiteli dakula nomashongo momidingonoko dovanhu vahapu.
Ndjaleka okwa yelifa kutya vo ongoilyo yepangelo, ova hoolola okupanga oukaume noombushe vavo moilonga ngaashi oumisteli womakwatafano oinima yomeni nokondje, oku shi ninga yo shipu unene ngeenge tashi ya pokukondolola oiningwanima yelongifo lomakaya osho yo oinima ei tai di kondje ya finda moshilongo, mekwafo yo letanga leameno.
Okwa twikila kutya moule wefimbo lile oiningwanima ihapu oya kala tai holoka molwa ashike omapangwe ndele kapena eshi hashi ningwapo, nove li honga oshilongwa paife.
Meelopota dihapu dopoplifi omwa pita ovakwashiwana tave li dipaya oshoyo oku li monifa oiponga oku dilila ashike melongifo lomapangwe.
Ounona vahapu moNamibia ovaninga eefiye, molwaashi ooinona nooxe ove li dipaya molwa okunwa omapangwe.
Ovanamibia vahapu unene ovanyasha oveli moipangelo vena omauluvi adja peenhele molwashi ova kala nokulongifa omakaya, ponhele va kale ve li meefikola.
Ndjaleka okwa yelifa kutya oukamue ou ngeenge oveu pange, pamwe tave yapo nande ono madilaadilo amwe oku longa ee Tobaco nee Nicotine dipe odo di hena oshimbide shasha moshiwana.
Momukalo uli ngaha, oshiwana otashi dulu oku ya komesho shoo ita shitekapo.
taimihaihambo20000@gamail.com