Abraham Mwanyekange 

Oshakati – Oo ali nale omudani nomuwiliki womokapale wospana yokatanga kokeemadi yaNamibia yopashiwana, hano oBrave Warriors Ronald Ketjijere okwa ti natango okuna omeva noke shi kutya onaini ta ka twilika omakwa. 

Ketjijere okwa lombwela Kundana ta ti nonande paife ye omukokele ke wete ta ka xulifa po okudana okatanga kokeemhadi. 

“Odula ya dja ko okwa li nda lombwela ovakomesho vospana oyo handi danene yoAfrican Stars kutya inandi hala vali okudana etanga lopombada moshilongo kwa li ngoo ndi wete nda hala okweefela po ovanyanyamaulu ngeno. 

Ashike konima ovakomesho ova ka pitika nge opo ndi twikile nokudanena oStars,” ta ti. 

Okwa ti nonande olixa yaNamibia oya uka pehulilo okuwetekutyanomodula taiya ota ka twikila okudana natango. “Shimha ashike ovakomesho voStars va pitike nge nena kandi na oupyakadi washa ohandi ke ka undula ashike nawanawa,” ta ti. 

Ketjijere okwa ti natango oku na omeva molwaasho keshe oshivike oha dana ominute da koya 180 noiha udu eloloko lasha. 

Okwa ti paife ondjodi yaye okufindana omaudano avali a fyaala ko molixa opo va findane po ekopi loNPFL lo2026. 

-amwanyekange@nepc.com.na