Iuze Mukube

Mubeleki kwamutayi wakamaiso kwasikolo salituto zepahami sa zibo ni sayansi (Nust), nabonahalile mwakhuta yenyinyani mwa Windoko viki yefelile, hala likakalezo zabulyangelilo. 

Maria Hengari walilimo zemashumi amane kasilisiñwi natamilwe kamaikuto akuli natisize kuli sikokolo sa Nust silatehelwe masheleñi alikana bolule bababeli, kakutakula likoloti zabaituti kabupumi, kakuli masheleñi nasikafita kwasikolo.

Hengari nalimbilwe milatu yemibeli kungelela cwalo ni bulyangelino, kuluwa kamikwa yeloba mulao wabusilela Obona zakutibela Bubango bwa Kulela. 

Hala mulatu wapili, kukulubelwa kuli mwahala 2021 ni 2024 mwaWindoko, Hengari nalobile mulao kamaikuto akuputelela, kuipitisa kwasikolo sa Nust, ni limembala zakatengo kakabona zalitifo zabaituti, kuli baituti bamwanda kabamashumi amalalu kaalimuñwi nebalifile masheleñi alikana N$2 638 286.25.

Bakeñisa bupaki bwabuhata sikolo sa Nust nesi latehezwi masheleñi afitelela bolule bababeli. Kacwalo, Hengari, hane apeta mulatu oakalezwa, naswanela kuziba kapa naziba kuli nasikalifa masheleñi ane afumani kwabaituti kwasikolo sa Nust, kacwalo naezize buputeleli ni bubangoki. 

Hala mulatu wabubeli, kukulubelwa kuli kanako yeswana, Hengari naezize taba yakuzamaisa masheleñi isi kaswanelo, kakuli nafumani, kusebelisa, nikuipulukela ni kukenya kapa kuzwisa mwanaha Namibia, libyana, inge aziba kuli liwela mwakalulo yalika zene ezizwe isi kamulao. 

Muzekisi wamubuso Reinhard Kamatoto naize lipatisiso halisikafela kale, kacwalo nahanile kuli yanyazwa alumelelwe kulibelela taba yahae kwande, kamaikuto akuli uka isilinga ni lipaki zamubuso ni lipatisiso. 

Kuekezafo, taba yalitalimani niyona kiyetuna, nikuli taba yamubuso itiile nikuli hakuna kuba taba yelukela kuli alukululwe. 

Muatuli mwakhuta yenyinyani Immanuel Udjombala naisize taba la 3 Mbuwana 2026, kulumelela lipatisiso kuli lizwelepili.