Abraham Mwanyekange 

Opolifi mexuliloshivike oya lopotelwa nokupatulula oibofa moiningwanima ya yooloka ngaashi omateyo omaumbo, oulunga woimuna, ekwatonghonga oshoyo omafyo. 

Ekwatonghonga 

Metitano okwalopotwa omulumenhu akwata okaana kokakadona keedula 5 onghonga komukunda Onaighete. Omulumenhu weedula inaditumbulwa okwamangwapo nomakonaakono opolifi otaatwikile. 

Omafyo 

Opolifi oyalopota oibofa ili ine yomafyo mexuliloshivike meedolopa dayoolokafana moshilongo. 

Kombaye okwa lopotwa omulumenhu 24 , Rafael Haingura Likuwa, eli tuwa afya komukunghulo wefuta nopolifi oyakononena kutya okwe li yasha yeemwene. Ko Keetmanshoop omulumenhu 57, Charles Henry Gaweseb okwa lopotwa ahulifa konima eshi akwatwa kokashelu. KEpembe Anna Mwaulange Hailonga okwa lopotwa a xulifa eshi elimangeleka. Omanga koWindhoek kolukanda Wanaheda (Okuryangava) omunamido 48 Kamkuemah Abisai Tutaleni okweli tuwa axulifa nopilifi oyafeekela kutya otashi dulika elikufa omwenyo yeemwene. 

Onghendabala yedipao nokuninga ominyonena 

Opolifi yaNamibia oyalopota oibofa itatu inasha nonghendabalo yedipao oshoyo okuninga ominyonena. 

Modoolopa yaTavi okwa lopotwa omulumenhu atuwa mofingo nopena pefimbo kwali tavakondjo. Nakuninga omunyonena okwa mangwapo. Omanga ko Luderitz omulumenhu 27 okwa tuwa nombele mombadja oikando ili ivali. Nakuninga oshihakanwa okuli moshipangelo tamono ouhaku. Omufeekelwa ina mangwa po natango. KoKaribib omulumenhu 36 okwa yashwa mokaulu kumwene wo Club konima eshi kwali emuponokela nombele. Omakonaakono opolifi otaatwikile moshiningwanima osho. 

Eteyo lomaumbo nomunyekwa kwahomatiwa. 

Opol i fi oyalopota oibofa ival i mexuliloshivike. Oshibofa shimwe oshomunyeka kwahomatiwa omanga shikwao eteyo leumbo. Mo Katutura (Pioneerspark),eembudi odeli teyela meumbo ndele tadi vakemo oinima ina ongushu N$ 225,000. Kapena ou amangwapo fiyo opaife. Omanga mo Katutura (Brakwater), ookalyamupombo ovaya meumbo ndele tava ulike mwene weumbo nobndjebo, nokonima ovakufamo oinima ina ongushu N$69,300.kapena ou amangwapo natango. 

Oulunga woimuna 

Mo Noordoewer opolifi oyalopota ovafeekelwa vashinga etuwa lavo ndele tava i kofaalama oko va vakako ongobe noku idi paya shiheli papitikilo lamwene wofaalama. Kapena ou amangwapo fiyo opapa. 

-amwanyekange@nepc.com.na