Abraham Mwanyekange 

Omadeulo oNamibia Football Association (NFA) -C License okwa tameka moshitukulwa Oshikoto Etivali. 

Eshi oshi li oshikando shotete omadeulo oludi la tya ngaha taa ningwa konima yeedula hetatu moshitukulwa shaShikoto. Ota ku hokololwa kutya ovadeuli vokatanga kokeemadi veli 39 ove li va kufa ombinga momadeulo. Omadeulo otaa ningilwa pOsekundofikola Andimba Toivo ya Toivo mOndangwa na okwa teelelika a pwe momafiku 15 Mei neudo. Omulongideuli woFifa William Kapukale okwa lombwela 

Kundana ta ti okwa hafa komwaalu wovadeuliovotavakufaombingamomadeulo. “Nonande nda hafa ngaha ondi udite nai keholoke po loomeme lili pedu neenghono. Moshikando ta shi landula oomeme onda hala mwa kufa ombinga,” Kapukale ta ti. Omupedukulunhu wehangano loWomen in sports Martha Kavalela okwa ti oku udite nawa eshi tava pewa ounongo. 

“Ondi udite nawa molwaashi okwa li nda pata, oinima ihapu ka kwali ndi ishi. Paife ondina eshiivo la wana novadani vange ohandi keva pa omadeulo eli mondjila opo eva vatele nawa,” ta ti. Okwa indila oomeme opo va nyamukule keindilo loFifa olo 

Kutya keshe ongudu youdano woomeme moshilongo na i kwatelwe komesho komudeuli womumeme ile omuvatelideuli. Omukwatakanifi woNFA mOshikoto Johannes Andreas okwa ti omadeulo aa okwa fimana. 

“Otaa vatele omaudano okatanga kokeemhadi moshilongo axume komesho nawa. Kufye osha ulika kutya ovadeuli vetu ova mona eenghatu dopombada nota va ka vatela ovadanauki osho tashi ti kutya nespaana detu dopashiwana ota di ka ndjabula okuya komesho,” Andreas ta holola. 

Ngeenge omadeulo apu osha yela kutya ovadeuli ota va dulu oku ka kwatela komesho eengudu dolixa yotete, onhivali onhinatu oshoyo olixa yopombada yoomeme moshilongo. -amwanyekange@nepc.com.na