Eba Kandovazu
Presidente Netumbo Nandi-Ndaitwah momapeu kakadingwire momukunda gwaHardap morwa nomfa daRegional Coordinator gwaSWAPO Joplin !Gontes. age kamutjangwilire asi mpitisili godami galituramo, eparu lyendi kulitjangwilire koyirugana arugana, nefumadeko ntani noruhafo. Apa nye kahuyungire pediworoko kalikereko mo Venduka, Nandi- ndaitwah katente asi nomfa dendi !Gontes, mo 4 May 2026, ezuva lyoolyo atudiworoka sihorokwa saCassinga somvhura ezi 48th tuna kusidiworoka omu vantu vetu vavadiapgere yina kara ngesi asi kuna kulidiworoka sirongo nasinye.
‘’Nomfa da Kamarada !Gontes edi kadihorokere mezuva eli lyedigu kwetu, kapi yina kara tupu asi eparu gaparuka, nye aga kwakere gumwe garuganena vantu vetu, nefumadeko nelituromo, omu gakere mwene asi ngarugana, mudameki, galituramo unene, eparu lyendi nalinye, yimo ana kutanta Presidente. Nandi- Ndaitwah kaziremo atante !Gontes omu gagenda nzira zendi, merongo, moukanguki dogoro kounapolitika, age katente asi pomuhowo age kwakere mitili gokukwateramo posure zaEmma Hoogenhout Primary school komeho akarugane asi muhakuli ano konyima tayagwana nye posa zoukurona pasirugana omu gakere asi mugwanekedesi gouvera woTB moAranos.
Age simpe katente asi !Gontes kwalihameserere mombunga zaSWAPO age simpe mudinkantu makura age gagenda nye momalikwamo nagenye goumpitisili dogoro tayakara mukwatakanesi gombunga zaSWAPO moAranos komeho nye vayamuhorowore asi mukwatakanesi gombunga zaSWAPO momukunda gwaHardap mo 2022 omu nye gaya kere silyo sokomitiye zontjima ntjima zaSWAPO. Presidente katente asi !Gontes gayatamuniuna emoneko lyaSWAPO momukunda gwaHardap siruwo oso sakere asi sosidigu nokugwedako asi umpitisili wendi waninkisa mbunga zetu zirugane nawa mo 2025, mahoroworo govakansela wonomukunda ntani nonodoropa.
Nandi- Ndaitwah simpe katjangwilire nakufa asi munapolitika ntani mupuli gomukadi ogu tara asi ukumwe ntani kupurakena nkenye ogu. ‘’ Age kwapura mokukulika vakwawo, mokumureta kumwe yivhulisa aretesepo malitavagano, ntani age kutekura vantu nefumadeko kapi atara asi ogu mure ndi musupi, Nandi-Ndaitwah yimo ana kuhuyunga ngoso. Nandi-Ndaitwah kamugendesereko mugara gwendi Denga Ndaitwa ntani Presidentegona Lucia Witbooi. !Gontes kuna sigi nye vanona vavali. -Nampa