Operesidenda Ntumbo Nandi-Ndaitwah wa tokere Ovanamibia oku zemburuka ovahamisiwa novahupe vOtjiṱiro Otjindjandja tjo 1904-1908.

Kokutja ekuruhungi romwiihamo ro rukapitaveze ari hazembwa. 

Watjere nao komurungu womazemburukiro weyuvandi ouparanga wehi arihe erero. Natja eyuvandi mari karerere otjokaruveze ko maumaneno oku yozika Ovaherero nOvakwena mbahangauka naveÞu kehi yo huurire yOvandoitji. Tjingetjo mombinika ye yeyuvandi matja “matu panÿere po ku riyandjera okukondja kokutja oviÞukaungura mbya tjitwa kOvaherero nOvakwena vizemburukwe , viitaverwe mo ma kuruhungi nu vipewe ombango youndu tjimuna ndjapewa oviÞiro ovindjandja no ma tombero yarwe mouye. “Mo ku tjita nao ma tu yauza ohepero yowatjiri womakuruhungi, ousemba, omberuriro momwinyo notjisuta otjorupa tjotjiungura otjiparanga tjondjesirasaneno nomapatero.”Munao ohoromende puna oviwaņa mbyaihamwa, ma i kayenda komurungu oku hungama ohoromende yOvandoitji nganduu Otjitiro Otjindjanndja, Ondjesiro nOtjisuta tji tja yetwa komayandero osemba na mo mwano mbuna omaheya. Matja eyuvandi karo kuzemburuka orukapitaveze porwe, nungwari oku kondja kutja ozondekurona zoruyaveze zetjiwe omeripunguhiro nga tji twa iimba mbahangauka mu rumwe roruveze ronÿorera nÿonrera mekuruhungi ra Namibia. 

“Eyuva ro ku zemburukisa kokutja omakondwa yomwiihamo momakuruhungi yetu kayesere okuzembwa kaparukaze, nu kangamwa Omunamibia uno merizirira wokutja imba mbaihamwa na vezengi ave hazembwa. Komurungu matoko omitanda okuhara ombango momakuruhungi wehi, no ku kayenda komurungu okutunga Onamibia otjo tjiwaņa otjirikuramene. 

No kutja Ovanamibia nu tjinene omitanda vikayende komrungu okurihonga ekuruhungi rehi nomeripunguhiro owo ndinondi nga yakana otjirwa tjongutukiro nongutukiro, omhungirirepo we Jonas Mbambo matja. 

Operesidenda waitavere omahaundjauriro womazemburukiro mehi otjomukambo ohepero kutja ehi arihe ririre orupa norini reyuvandi no kutja ehi arihe mouparanga waro rikare mo norupa muro. Mokutja omazemburukiro waro motukondwa ma ye paturura omeho wovengi kovi Þukaungura mbyatjitwa mOtjiÞiro Otjindjandja no ku vatera oviwaņa okuzuva nawa kutja ovitjitwa imbi vya tunavi komakuruhungi wotjirwa tja Namibia tjongutukiro.