Namibia noyirongo yimwe ya Afrika omu gadingura Presidente gwa China Hu Jintao, ayo kwa gwanena mo uwa mekuro nezeruko lyoyiwizomo moyirongo, nampili moomu Asia gagenderera kukura momarandesero noyiwizamo, nye yiwizamo tatu yindindire nkenye apa. China kapisi sirongo sakara noyiwizamo yoyinunu, yimo ana kuuyunga gumwe galirongera yoyiwizamo mo Venduka. Presidente gwa China Hu Jintao kwaya sikire momandaha pita mo Venduka, nye metivali apa gatengwire malizuvho gomanzi nonomiliyona dono Dollar age gaya disaina. China kwaya gava nomiliyona nomurongontatu donodollar da Namibia, (N$30 million) ntani hena edi nomiliona nomurongo ntatu (n$30 million) makongo gahana yigwedako. Ano nye omu ngava ruganesa nomiliyona edi numurongo ntazime (n$60 million)eyi yokudiva nye Epangero omu ngali yigaununa lyene. Minista goyimaliva mugolikadi Saara Kuugongelwa Amadhila kwasainine eli zuvho nosirongo soukaume saChina lyoyiwizamo .Momvhura mayovi gavali nantano (2005) Namibia na China kwasainine nomiliyona masere gavali nane gonodollar daNamibia(204 million) varande yiruganeso yoprojeka za Trans Namib..Yimaliva eyi kwayi randa ngwendi notenga domaholi ntani nayimwe ngoso.Momakongo aga Namibia kwakara nosiruwo sokusika kono mvhura ntano mokukagatengwida. Metambwiromo vagenda vekuto Presidente Hifikepunye Pohamba kwatente asi Namibia ngorooro nga kara ana likwatakana kwa China kutunda tupu mekondjero manguruko noyiwizamo yosirongo kumwe noukaume pokatji koyirongo yivali eyi. Edinguro lyoge moNamibia monyima zokaruwo gona kokukatunda ko Beijing eli yilyo elikido lyegwanekero lyaChina na Afrika eyi yina kulikida ukwawo nelizuvho lyo yirongo yetu yivali ntani noVantu vetu, yimo ana kutanta Presidente Pohamba. Presidente gwa China age kapitisili-lire Vantu wokusika kesere nonomurongo ntatu(130) omu kamukere Vaminista, Vanangesefa, navamwe momaruha gokulisiga-siga gepangero.Makongo pokatji kaNamibia na China mvhura ezi kazipwire kwasikire kobiliona zimwe sikomona ntambali nantatu.(1,73 billion)