Opolifi mexuliloshivike oya lopotelwa oibofa yeehanana mbali odo da xupifwa metata lefyo. 

Moshiningwnima shotete opolifi oya loptelwa oshibofa shokahanana kefiku limwe fiyo avali, oko ka hangika ka kupulwa melambo lohanya moshikandjohoololo shaKalongo moshitukulwa shaMusati. 

Omufekelwa oo vati ina yokaana, ohanana okwe i kupula melambo lohanya, ndele elambo te li tomeke omundilo nelalakano lokudipaa okaana vati. 

Omupopiliko wopolifi moshilongo Kauna Shikwambi okwa ti nande ongaho omhangela yaye inai pita shaashi elambo vati inali dula okukwata omundilo, nande okaana ka pya ngaho oipute. 

Shikwambi okwa ti ohanana oya xupifwa konima eshi ovakwashiwana va uda taka kwena pelambo lohanya, omo ovakwashiwana va pangela omhangela va fe elambo popepi nelambo lohanya vo va dule okukufa mo okaana. 

Ina yokaana oo e li omufekelwa paife moshinigwanima okwa tulwa moipandeko, nokwa holokola monhangu onghela, omanga okaana oke li metonatelo lovapangi koshipangelo shaKalongo,” ta ti. 

Moshiningwanima sha yooloka natango ovakalimo vaWalvis Bay, moshitukulwa shErongo ova fiwa va kumwa koshiningwanima shokahanana ka hangika ka tonyenwa monailona oufiku wOlomakaya. 

Okahanana vati oke li tuwa komweendanandjila, eshi a uda ekweno tali dilile momilaulu popepi nopolifi yaKuisebmund. 

Omweendanadjilavatiokwalombwelaopolifi meendelelo, naashi ya fika poshiningwanima okaana oka hangika ashike kena nohonde, osho vati tashi ulike kutya opo ashike ka dalwa. 

Opolifi oya ti oya ninga onghendabala yoku wala okaana koshipangelo, oko ke li koshi yetonatelo lovapangi, notai pula oshiwana ishi kwafe mouyelele u na sha naina yokaana. 

Ouyelele vati nau ukifwe kongodi ya Detective Chief Inspector Shangula 081 667 6820 ile Detective warrant officer Kalipi 081 240 8039. 

-taimihaihambo2000@gmail.com