Eenguhudana

Aakalimo yomomukunda Olungalunga B moshitopolwa shaShana, mboka yali taya tala omulilo, ngashi ngeyi otaya tala ongalamwithi yaShiteni sho ya pewa omayambidhidho giipalutha yongushu yoN$17 000 kehangano lyOpoto Mills. 

Omulumentu omugundjuka okwa nduluka po omasiga goshinanena haga temwa niikuni oshowo omakala.

Aakulupe naantu taya lumbu nuulema otaya ka kwata oN$2400 muAuguste amuke, molwaomagwedhelo gopenzela goN$200 ngoka ga li ge na okutameka muApilili nuumvo. 

Ekwatonkonga oshimbuluma hashi ningwa mehalomo, niipotha oyindji yekwatonkonga ya longelwa aanona ohashi vulika yi kale inaayi lopotwa.

Sho Omupanguli Petrus Unengu nokakomisi ke taya talele po iitopolwa, oongoloneya oyendji naakalimo miitopolwa yawo, onkene taya tsikile nokuninga omathaneko gomatendululo.

Ngoloneya gwoshitopolwa shaHangwena Sebastian Ndeitunga okwa ti aagundjuka oyendji inaya thika natango komahala gokushangelwa uukalata womahogololo. 

Omunashipundi gwokakomisi komahogololo, Electoral Commission of Namibia (ECN), Elsie Nghikembua, okwa kumagidha Aanamibia ya ishangithe uukalata womahogololo muulethimbo ya pewa oshoka ethimbo lyokwiishangitha itali ka lelepekwa nando. 

Opolisi moshitopolwa shaShikoto oya lopota kutya oondjamba dhi li 15 mwa kwatelwa uundjambona odha tauka moshikunino shiinamwenyo mEtosha mehililoshiwike. 

Aagandji yiilonga kaantu haya longo momagumbo, koohambo nomiikunino oya nyenyeta oondjambi oompe dha tulwa po kepangelo kutya odhi li pombanda unene, notashi vulika oyendji kaaya ka vule okukuta aantu momagumbo gawo ngele shoka tashi kondjitwa kepangelo osha tulwa miilonga. 

Aakulukadhi ya hokanwa unene komikunda dhokombuga anuwa otaya thigi po aasamane yawo taya kaanahambo yAangola.