Khoekhoegowab

NULL

ǀNaib ge ǂoa ge kurib di ǁaegub !âb marikurib dib !nâ N$250 miljunsa, !gomma ra tsâ Meatcosa mâ hâ is khao!gâb ge mariǁhōn ministeri, Iipumbu Shiimiba ǁkhawa ǂoa ge wekheb !nâ nē ǂnûigāsa N$212 miljunsa ge ǂnûiǂuiba. 

Namibiab ǀawa!namn ge N$206 miljuns ǁkhāsiba !khōǂgā hâ kokain-e ǂoa ge wekheb Donertaxtsēs ai ge ǂhuwiǂui. 

Danasîsenǂuira direkters, ministeris ǁgau!nâs dis, Sanet Steenkamps ge ge mî, N$18.3 biljuns hîa ge 2024/25ǁî kurib mariǂnûiǂuis !aroma nē ministerisa a ǂnûiǂuibahes nî īǁkhāsiba māsa, hāǀarora ǁgau!nâ-aon nî !gaehes diba ǂhâbasa !gôab ǁgau!nâ-aon nî hāse. 

Oshikoto kharib di ǁgau!nâs direktersd, Aletha Eises ge skolǀgôana ge ǂgan, in ǁîn skola aimâi ǀhûhâsi ǂhaitsi ǂhawegu (social media) ai hâsoreǂgâs xa.

ǀGapi ǁGau!nâs, ǁKhāǁkhākhâis tsî ǀAsa ǂâiǀgaun Ministers, Itah Kandjii-Murangis ge ra mî, President Geingob ge ǁîsa sîsen!haros âsa xu ūǁnâ ǁoa isa, amab ge ǂan i amaga.

President Nangolo Mbumbab di ǂnûikhâis ǁîs hoan xa a ǀgapi !haros !hūb dis !nâs, khao!gâb ge ǀhûhâsiba ǂgaenam!gâgudi mâs kōses nēsa a ǂhanu ǁîba nē !haros !nâ sîsentsoatsoas dis ǂnamipe ge tsoatsoa.

NULL

One Economy ǂNûiǂgās ge ǂhôare-aona mādawa-amsa mâǂoa hâ sîsenni hîan ǂoa ge kurib !nâ surigu ai !gao!gaosa ǂkhawadīb !nae!khaidi ǀhûhâsigu !nâ gere īde, ǁîn ǂhôamāǂuidi !nâ-ū harase gere ǂanǂan !khais !aroma. 

ǁKharas ǀkharisi mûǂamaos, Aletha Fredericks ge ǁkhāǁkhāsen!khaib ga a ǀguitikō tsîn ga hoa skolǀgôana ǂhanu-ai !ēs ǁgau!nâs !nâ ai!gûs disa a hō !khaisa.ǁîs gere gonǀgon!gaos ge, ǂhâǂhâsasib, skolǀgôan nî ǂkhâ!nâ ra tsî hoana ra !khōǂgā ǁkhā-khāsens ǂnamipeba māhesa, ǁîb !nân xūna ǂanǂui ǂgaos, ǁkhāǁkhā mâǂoas tsîna ǁkhore tsî nēs !nâ-ū !goaxa ǁaeb !nâ ǁgoaǂuide oresa nî hōba ǀō-aisa khoese nî mâ