Silozi

Mapokola baketalizoho ni mubabaleli walifolofolo neba isizwe kwasipatela kasamulaho akulengiwa kipula, kwakambe yabona mwasibaka sapabalelo yalifolofolo sa Bwabwata.

Baituti kwasikolo sa litopa zakwatasi sa Izimwe mwasikiliti sa Zambezi, nebailo mbwetuka mwalizazi lapili lakukutela kwasikolo, kasamulaho tente yene supezi yene babelekisanga nese beezwi kwatuko, mi kota nebalibelezi kuyoba kilasi. 

Sikolo sa Mbambazi mwasilalanda sa Chinchimani, nesi imuluzwi kasamulaho akufumana lineulo kuzwelela kwabatusi. Labubeli sikolo nesi amuhezi neulo ya Lipula zamwaliofesi ni matafule azona zelobabañwi, zamasheleñi alikana N$48 860 kuzwelela kwakampani ya entrepo.

Yomuhulu wasipokola sanaha Joseph Shikongo nalukuluzwi mwasipatela sa Ongwediva MediPark Labubeli, amano yolobazwa kasamulaho akozi yafamukwakwa. 

Musupali yane abitelezi mwanana walilimo zetalu, ili kalulo yene itisize lifu lahae, nahanezwi kulibelela muzeko wahae kwande hane abonahalile mwakhuta muatuli yomunyinyani mwa Ondangwa Labubeli. Gustav Willem walilimo zemashumi alobapeli kazelobapeli utalimani ni milatu yabubulai ni kubitelela. 

Neli feela kezo yaputako yabundume yamuhulwana musizana walilimo zelobañwi yene mupulusize kwalifu, amano mangana nikwena yene sweli kezalahae.

Mapokola mwasikiliti sa Kavango ya Upa bafile mamela kwabayahi babafumaneha mabapa ni nuka ya Kavango, kutokomela likubu ni likwena habaya kwanuka, kasamulaho mushimani walilimo zelishumi kazesilezi ili muyahi wanaha Angola, nataselizwe kikubu nikuholofazwa maswe hane ali kwakuyamba Lamubulo.

Mubakweli kumueteleli wakopano yaSwapo ili yasanzo ketiwa hape Netumbo Nandi-Ndaitwah, uitamile kuzwisezapata swalisano mwakopano yebusa.