Katengo kaCaprivi Concerned Group (CCG) kasotelize mubusi wanaha Botswana Mokgweetsi Masisi ni yomuhulu wasisole sahae kwakhuta yetalima zabubangoki bwalifasi (ICC), hala mafu amandui babane mwasilimo sa 2020, mwamazoho amasole banaha Botswana (BDF) kamaikuto akuli neli nebazuma isi kamulao.
Baituti mwasikiliti sa Zambezi babakula meeto bakafumana tuso hala mulelo wakatengo kaSanlam mwamulelo wakubata kutahisa ncincano yapono.
Muyemeli wasilalanda sa Katima Mulilo yatolopo Kennedy Simasiku, ulaela kuli alifiwe masheleñi alikana bolule bababeli mwalisinyehelo, kilimembala zetalu zefumaneha mwasilalanda sa hae kabaka lakumusinya libizo.
Namibia netabezi likezo ze ezizwe mwakulwanisa litaba zakuisa batu mwabutanga. Kanako yakutabela lizazi lakulwanisa kuisa batu mwabutanga mwasikiliti sa Zambezi, Mubakweli kuNgambela, ni Likwambuyu waLitaba zaKwanda Naha Netumbo Nandi-Ndaitwah nalumbile bababile nikabelo mwakubona kuli naha Namibia isali mwakalulo yapili mwapiho yasilimo sa 2021, yalinaha ze eza hande mwakulwanisa litaba zakuisa b
Mapokola mwasikiliti sa Khomas basweli kubata babakulubelwa basilezi, baba akalezwa kuli neba uzwelize muuna walipisinisi yasimuluha mwanaha China, masheleñi asika patalazwa ni libyana zateko yelikana lule ni licika (N$1.4 million), Labulalu musihali.
Katengo kaAmta kakupile bayahi banaha Namibia kuambuka kuleka bupi bwa mbonji bobukenyizwe mwanaha isi kamulao, kakuli taba yeo ifofaza teko yambonyi mwanaha.
Mapokola mwasikiliti sa Kavango ya Wiko basweli kubatisisa taba yamuuna walilimo zemashumi amabeli kazeketalizoho, yana fumanwi ashwile kwakambe mwa Nkurenkuru Labulalu, teñi mubuleli nali kwamukopano nibalateleli bahae babatokwa litapelo ni limakazo.
Muyahi watolopo ya Walvis Bay nakunupile nikubulaya yakulubelwa kuba lisholi yanali fasituwa sandu yahae, kamaikuto akubata kutuba ni kuuzwa. Taba yeo ne ezahezi mwakomponi ya Kuisebmond Labubeli kakusasa.
Limembala zamapokola bamwasicaba neli bilaezi, kasamulaho kezo kunata kamaikuto akubata kuholofaza nesika kwalulwa kwasiteshini sa Katima Mulilo.
Kutokwa masheleñi akukonisa Sibaka sakutahisa zwelopili kwamatakanyani sa Zambezi, kuli sitaleleze mulelo wateñi wakutisa zwelopili kwabilaeza, nekubulezi limembala zalipolitiki zasikiliti. Ngambela Saara Kuugongelwa-Amadhila hanali mwasikiliti sa Zambezi viki yefelile napotezi sibaka seo.