Abraham Mwanyekange

Osekundefikola yaMwadikange Kaulinge moshitukulwa Ohangwena otai ka kala nomaudano okudja momafiku 27 fiyo 29 Marsa neudo. 

Omaudano a yooloka otaa ka kala ko pofikola. 

Otaku hokololwa pa pita eedula 12 konima eshi ofikola kwali a unganeka efiyafano la tya ngaha.  

Jonas Tobias omuunganeki womaudano koKaulinge okwa lombwela Kundana ta ti eefikola adishe moNamibia novanhu kouhandimwe ova teelelika ve uye va kufe ombinga momaudano a yooloka ngaashi, okatanga komokambaba, volley, basketball, chess, okatanga kokeemadi kovakainhu nokovalumenhu. 

Tobias okwa ti oudano ouli wafimana kovanafikola unene tuu ngeenge tashi ya pokuyambula po oitalendi yovanafikola, noha u eta omalunduluko mahapu meenghalamwenyo davo.

 “Okupitila momaudano ovanafikola ohaveli hongo mo shihapu ngaashi omikalo, elongelo kumwe oshoyo ohashieta vesheendife nawa nokulonga shomupondo melongo lavo. Vahapu ngeenge veli moupale vomaudano ohava dulu okumona mo nawa kutya openi opo va pumbwa okulundulula panghalamwenyo,” tobias ta ti.

Okwa ti  ovapandula oohandimwe nomahangano opaumwene oo eva kwafela opo efiyafano eli li ye komesho. Okwa ti otava pandula Omukwana Bakery, Tyuuwa’s Catering Services na Ester Nakathingo ovo vomwaavo va dula okupulifa komesho efiyafano odula ei.

“Omahangano okwa pumbwa okushakeneka epangelo ondjilakati opo okaana okaNamibia kaupikilwe nawa onghalamwenyo yako,”tati