OUTAPI – Ouministeli woukashike kookanhu nonghalo nawa yokaana owa yambidida ovanangeshefa va shona noikwafifo okuyambula po eengeshefa davo mOutapi.
Ovanangeshefa ovo ova pewa oilongifo i li pongushu yoN$107 040.
Minista woukashike kokaanhu Emma Kantema oshivike sha djako okwa yandja oilongifo oyo ngaashi omashina okuyandja, oipeleki, eetenda domeva noshoyo imwepo ya yooloka.
Okwa ti ovanangeshefa ova yambididwa kopolongalama ya totwa po kouministeli wavo nelalakano lokuyambidida ovanangeshefa va shona.
Okwa yelifa ta ti ovanangeshefa ova shangifwa okudilila keembelewa doikashike kookanhu odo di li koitukulwa.
“Opolongalama ei oya fimana molwashi otashi kondjifa ondjala, oluhepo noshoyo okueta po eemhito doilonga,” ta ti.
Okwa ti ka shishi oshikando shotete ouministeli wavo tau yambidida ovanangeshefa shaashi keshe omudo ohava yambididwa konima yomutengenekwa faneko woshimaliwa.
Okwa pula ovanambelewa tava longele keembelewa doukashike kookanhu koitukulwa opo va kale tava endelele okutuma omadina ovanangeshefa va pumbwa okuyambididwa.
“Ka longeni noudinini okukondjifa ondjala noluhepo. Longifeni nawa oilonga ei omo mu dule okuilongifa efimbo lile,”ta ti.
Dennis Shiwapo, oye umwe va yambidiwa nokwa ti okwa pandula epangelo eshi ta li longo noudinini okukwafela oshiwana.
“Epangelo letu ota li longo mo shi li okukondjifa ondjala noluhepo. Ohandi ka longa noudidini okuyambula po ongeshefa yange,” ta ti.