Etungo lombelewa yelelodoolopa yEenhana oli li mounyengwi konima eshi ovatungi ve li fiya ofika shaashi vati eendjabi davo ina di wanifwa po, lo etungo loo vene ola pumbwa eemiliona N$9 opo li dule okukala la pwa.
Ouyelele ou owe ya poluhaela konima eshi okomotiye okudilila komutumba wopashiwana ye ya okutalela po odoolopa, nokuninga omapekaapeko osho yo okutalela po oshitukulwa nokutala nghee ovaleli osho yo omalelo odoolopa tae shi endifa. Osheendo eshi sha li shikwetelwe komesho koshilyo shopaliamente Uahekua Herunga, oo kwa li yo natango tashi ningi omapekapeko e na sha nomashongo, omaunyengwi oshoyo omaupyakadi aa hava kala vataalela efiku nefiku.
Osheendo eshi shatelelapo elelo doolopa nokupula ouyelele unasha noshikumungu shetungo lombelewa yelelo doolopa, omukulnhu welelo lodoolpa Wodibo Haulofu okwa ti opoloyeka yoovene ngeno po idule oku kala yapwa oya oya oyapumbwa eemilioina N$ 41, nova longifa eemiliona N$27 mokutunga eshi vadula oku etapo. “Ashike nande twa dula oku tungapo osho twadula, natango etungo olili ashike ofika molwaashi kapena oimaliwa yoku manifa etungo eli,” ta ti.
Haulofu okwa twikila noku yelifila onambelwa kutya molwaashi etungo ola ninga efimbo lafikama molwaashi ina lipwa oku tungwa paife ola tameka noku wapo nokuli.
“ Ngeenge owai meni letungo eli oshili oto nyemata ashike. Oinima ei yali tungwa meni paife oya tameka oku wamo, noku hanaukapo,” ta holola.
Okwa twikila kutya nonande valongifa nale eemiliona o N$ 27, nokwa hangika ashike kwa pumbwa di li oN$9, paife natango oshi na oupu va ka longife oshimaliwa shihapu shaashi oinima yatameka oku wamo, oshoyo oku lika keehedi.
Omukulunhu wosheendo Herunga okwa ti oshilulumika unene okutala eembelewa dokukwafa oshiwana di li monghalo ili ngaha.
“Ngaashi ei okwa li ya etwa mo lela i li pokupwa, ashike molwoshimaliwa eshi shihe po, yo oilonga aishe oi li ofika,” ta ti. Okomitiye ei oya ti hapo tai xuile apa, otai kondjo ngaho nayo, opo itale apa taidulu oku undula epangelo shinasha nemanifo lombelewa ei.
Etungo eli ola tamekelwe oku tungwa mo 2018, ndele fiyo opaife oli li mounyengwi.