Otjiṱiro Otjindjandja tje yere kehi yekende etarero pombakero mOkahandja yOrata Onene yOuhonapare wOmbazu wOvambanderu, Omuṱize omuyaruke Gerson Kunomundu Katjirua, omayuva womasuviro nga zuko.
Ozondekurona pekepeke tji za tarero mutjo auhe okuzira ku ma zire na pa kurama mOtjiṱiro nOtjisuta tjatjo. Ueriurika Nguvauva, okaṋepo kokomiti yohoromende yOtjiṱiro Otjindjandja nOtjisuta. Nozombara zehika rozombara ra Kandjoze, Manasse Meundju Zeraeua nOmbara Otjitambi Hoze Riruako. ndi notjiṋa nOtjiṱiro Otjindjandja nOtjisuta. Mbaha¿ikire na Nguvauva mOnḓuvasaneno yApamwe pokati kohoromende ya Namibia nOyehi rOvandoitji, Ojoint Declaration, ousupi OJD ozohoromende azeembari nai nḓu za kuramena okutwako omunwe kembo.
Katjirua wari Omuhaamise wOvihavero wotjimbumba tjozondekurona nḓe kayenda pu nohoromende, Ovaherero , Ovambanderu nOnama Council for Dialogue, 1904-1908, ousupi ONCD 1904-1908. Tjeri otjihavero Ombara Manasse Zeraeua tja tjere wa kambura kuye mo 2013. Zeraeua ma tji kwe ya kOtjiṱiro nOtjisuta, tjimuna motjirwa tjongutukiro, tjiva tjaave kambura mohange na tjiva mondjembo. “Kape nohaṋi poṋa mba omaunguriro wakumwe uriri. Na rakiza kutja ngunda otjimariva okuza kOvandoitji katji ye ya kokutota kaparukaze. Nu munao owo otji mave ru nganduu korutanga orutjakwao. “Ootate va tenga po va ya. Eṱe wina matu i. Mbu mave tja paturureye ozombwiko mozombangaa, ovimariva mavi toto kaviṋa ovipupu mbyo. Matu ru atu koka! Orutanga aruhe ru novanane varo. Ootate va tenga po va ya eṱe matu i noho….Otjiṋa hi ma tji kayenda komurngu noho. Tjinangara mai tja ozombara inḓa ozonene za ṱa imbwi ounatje ouṱiṱi uriri mai tu ṋiṋikiza atu yakura, horomende ripura nawa eṱe katu ri mba okurandisa ozombinḓu zovanene vetu.”
Riruako ma tja Ovandoitji kanaave rire ovazepe na wina ovapangure tjazumba nave ri pe ondjo yayo oveni no ku tja i ṱa pi nu mave sutu vingapi. Tjazumba otjimariva owo tji ve rikekera oveni kutja otji mave sutu kanaatji roro kaparukaze okuyenena imbi mbiva pandjarisa okuza kominyo ngandu kovimuinyo. Ngunda Nguvauva ama tja tji pe na ngu nondunge yarwe ngai ye kotjitiha orondu indjo yarwe eye keyeimuna kaparukaze. Tjingetjo etemba indi ra kayenda nambano okuvarwe mberi pehi naro okuronda muro pendje nokuuhara amave kwanga nombongarero yehi arihe yOtjiṱiro Otjindjandja nOtjisuta otja komakwangero wozombara za Kandjoze yokutja i yarure otjiṋa itji.