Auleria Wakudumo
Helao Nafidi ngesi kuna kuza vakamone erunduruko mouhaku mokukwama magano age vana kukatulisapo sipangero sopaumwene, vana kukatumbura asi Helao Nafidi private hospital.
Mukurona godoropa, Darius Shaalukeni, katente asi etungo eli kuna kulindindira likatameke mokwedi kwaPembagona 2026.
Shaalukeni katente asi egano twaromo lyosipangero esi, kuna kara asi vanahara kuvatera yipangero eyi yakaramo yepangero unene mokuhorako nye udigu ou asi mono sipangero saEngela, esi sina kara asi yiso selkie sipangero sina kuvatera vatungimo moHelao Nafidi posiruwo simwe kurugana kupitakanene omu ngano asi vhuru kurugana.
‘’ Sipangero esi sopaumwene ngesi vatera unene omu nye ngesi horako eyi yokukara asi vantu kukara momukweyo gomure unene vandindire uhaku moEngela, nokuwapukurura nye uhaku wovantu vetu ava vatungamo,’’ yimo ana kutanta.
Yiruganeso navayivhukisa unene omu sipangero esi sopaumwene nasikara ngwendi saOngwediva medi-park, omu sina kara asi asi kuruganesa nomahina edi dina kara asi domosiruwo santani kovatungimo vaHelao Nafidi ntani nkarapamwe zavakundurukida. Shaalukeni kayinkondopekere eyi asi evhu lyokudika sipangero sangesi nare valigwana, eli lina kara asi kwaligwanena poOmafo konyima tupu zaHelao Nafidi lyomatjingisiro.
Mukurona godoropa simpe katente asi projeka zangesi zekuliko kuna kuzindindira ziwapukurure eparu lyovantu momukunda mokutulisapo yirugana opo vana kuzidika ntani papa tupu ngazitameka kurugana.
Age katente asi awo navatara unene koyirugana eyi yapira kukara asi okare noudivi mokuyilirongera, unene ngwendi wokukombakomba, wokusinga mahauto, ntani varugani nye tupu wokulisiga siga, tava kayigava kovatungimo womoHelao Nafidi.
Posiruwo sooso, nguuru gwaOhangwena Kadiva Hamutumwa sinkwa ntani kakadingwire Helao Nafidi omu yina kuliza nelikwamo eli ana kara nalyo lyokudingura nomukunda horowero. Posiruwo nye oso ana kudingura, age nage kakatambwireko mawoko gavali magano gekuliko gana kuhoroka momukunda nokutanta mulyo omu kampani zopaumwene zina tokora asi zahepa kuyapungura movantu ntani kuwapukurura ukanguki wovantu vetu nokutara asi vantu vetu vahepa kugwana ukanguki una gwanene unene vatungimo moOhangwena.
-awakudumoauleria@nepc.com.na