Auleria Wakudumo
Opolifi moshitukulwa shaShikoto oya patulula oshibofa shekwatonghonga sha dja eshi okakadona keedula nhano ka kwatwa vati keenghono kokamwainamati keedula omuwoi. Eshi osha ningwa vati mefudo laDecemba odula ya dja ko, sha ningilwa koTsintsabis mOshikoto. Komufala wopolifi moshitukulwa shaShikoto, Commissioner Teopolina Kalompo-Nashikaku okwa koleka oshiningwanima eshi.
Nashikaku okwa holola ta ti vati ounona aveshe ova hangika ashike va ya kefudo pefimbo loshiningwanima nokwa li hava nangala monduda imwe.
Mo 29 Desemba 2024, vati ounona aveshe natango ova ka talela po inakulu komukunda Elavi oko a shiivifila mumwainamati weedula 12 kutya okwa kwatwa keenghono kuumwe womovamati ovo ve li eehamba fimbo va li koTsintsabis.
Mumwainamati vati okwa lombwela inakulu. Inakulu okwa pula nakuningwa oshihakanwa a ulike ou e mu kwata keenghono shaashi oikwanambwiyu ashike ina dula okutongolola ou e mu kwata keenghono shaashi vati oikwanambiyu ove lifa.
Opolifi oya patululila oumatyona aveshe oshibofa.