KATIMA MULILO – Kuyahiwa kwa mukwakwa wa Makanga- Masida kuzamaya hande nihakubile ni lisitataliso, nekubulezi muzamaisi wakatengo kakabona zakuyaha mikwakwa Conrad Lutombi. “Lutilo potela purojekiti ye kuto shoka kuli lika lizamaya cwañi ni lisitataliso zebile teñi. Kutisa cwale, lwataba ni musebezi o ezizwe kwa lineku la Makanga ni Masida,” nabulezi. 

Lutombi naize libaka zeñwi za mukwakwa linanuzwi hande, mi zeñwi lisa kutezi fafasi bakeñisa tiyeho yetisizwe ki kushimbula lika zeñwi zabutokwa, kungelela cwalo ni mindandwe ya mulilo wa magesi ni mindandwe ya mipila yamezi. “Likezo zeo kaufela neli tisize tiyeho, kono lusali mwa sikuka sa kufeza kanako,” naekelize. 

Hala lisitataliso zeñwi kimisima kokuyepiwa giravelu. Naize kabumai misima kokufumaneha giravelu iwela mwa mubu wa batu. Taba yeo itisa lingambolo nikubona kuli batu bao balifiwa cwañi kakulatelela mulao. “Sicaba sibile ni tibelelo, lwa itumela. Nihakulicwalo, luswanela kufeleleza litifo zeo, sihulu kakuli mukwakwa wo uwela hala buitamo bwa mueteleli wanaha,” nekubulezi Lutombi. 

Pi laelo yeñwi kit iyeho yakulifa muyahi. “Purojekiti ye isulezwi masheleñi kimubuso, mi nelusepisize muyahi kuli ukana lifiwa kabunako,” nabulezi. Mayemo alihalimu niona atisize butata, mi kunela hahulu kwapula makalo asilimo se nekusinyize libaka zeñwi zamukwakwa. Nihakulicwalo, Lutombi naize muyahi uitamile kufeza musebezi mwa Muyana 2025. “Lufiwa susumo kipiho ya muyahi. Nihane kubile ni pula ni lisitataliso, umwa sikuka sakufeza kabunako,” nekubulezi Lutombi. 

Mukwakwa wa Makanga- Masidauwelamwamileloyemituna yakumbweshafaza mikwakwa mwalibaka zamatakanyani mwasikiliti sa Zambezi, ili kuli sicaba sikone kufamana lisebelezo zabutokwa kabunolo.