KATIMA MULILO – Kampani ya Namibia Industrial Development Agency (NIDA) ibulela kuli mihato ingilwe kubata kuzusulusa projekiti ya kuuta likwena ya Manyeha kwa Kongola, mi tundululo ikalile. Hana bulela ni mutayi wa New Era viki yefelile, muelezi yomuhulu yatalima za mapurojekiti wakampani ya NIDA Inyemba Kamwi, nanyatezi kuli tundululo yapili ifelile.

“Lwa nyakalala kubiha kuli kukenisa mubu ni lukwakwa lwa muyaho nekufelile mwa kweli ya Ñulule 2025, sina mone kulumelelanwi. Nekulatelezi tundululo ya situwa, yene felile mwa Sope 2026. 

Kanako ya cwale, luzwelapili nitundululo ya miyaho, ni ndu mwaina muzamaisi,” nekubulezi Kamwi. “Muyaho no beilwe lukwakwa mwa silimo sa 2025, kaswalisano nikatengo ka babanca ka naha kakazibahala ka National Youth Service. Kuekeza fo malonda babalifiwa ki kampani ya NIDA basweli kusebeza,” nabulezi.

Naize zeo nihali ezahezi kukonkiseza silelezo ya sibaka, naize koifumaneha purojekiti kutalusa kuli hañata lifolofolo za fita, kungelela cwalo ni mapombwe ni zeñwi cwalo. Mwa Yenda 2025, NIDA nekile yazibahaza purojekiti kwa ofesi ya mubusisi wasikiliti sa Zambezi ni kwa khuta ya Mashi. Kanako yeo NIDA naize ikeni mwaswalisano ni kampani ya Sable Hills ni Bouncy Croc kulundulula nikuzamaisa purojekiti ya likwena za Manyeha.

Purojekiti ika talelezwa mwa likalulo zepeli. Yapili kibupoti, nikukutiseza kamaiso ya purojekiti. 

Kalulo ya bubeli ikatalima taba ya njimo, ili kuuta likwena ili kokulibelezwi kukala mwa silimo sa 2027. Kamwi naize purojekiti ika zamaiswa kakulatelela milao ya sizo. Luitama kukonkiseza swalisano ya sicaba kaufela kubona kuli zwelopili itaha mwa Kongola ni sikiliti sa Zambezi kabupala,” nabulezi. Tundululo yekalile isupeza kuli purojekiti yelibelezwi kanako yetelele ika zuha nikukutiseza bupoti ni njimo mwa sikiliti.