Auleria Wakudumo 

Oshiputudilo shopombada sho International Training College Lingua osha yandja eemhito delihongo loshali koukadona dingi 10 vaMiss Namibia 2025. 

Okakadona dingi kaNamibia Johanna Swartbooi pamwe nokakadona aka ka yangata po epaya lokakadona dingi kotete Uatjiri Mbaisa oshoyo Sirrka Ndjoba ovali va holoka pepatululo loshivilo eshi pambelelwa. 

Oshiputudilo otashi yambula po oomeme veli mepupi lounyasha natango okupitila mehongo. 

Ingrid Kloppers-Mettler oye a yandja eemhito edi keedona pambelewa. 

Kloppers-Mattler okwa holola kutya oshishani osho oukadona dingi va mona ohashi vape omhito ya mbalangadja okukwatafana novanhu ashike ehongo olo hali kwafa okulongifa eemhito odo to mono novanhu va yooloka. 

Oukadona dingi 10 va Miss Namibia ovo, okakadona dingi Johanna Swartbooi, okakadona dingi kotete Uatjiri Mbaisa, okakadona dingi kativali Tuilika Andreas, ponomola oninhe Ndeshipewa Angula, Charmont Samaria, Melissa /Uises, Sirkka Ndjoba oo a yangata po yo epaya lokakadona oko haka monika nawa momafano dingi, Alice Mokhatu, Hertha Iipinge naHope Rukero. 

-awakudumo@nepc.com.na