Abraham Mwanyekange 

Ominista yoikwamina noikwanghono moshilongo Modestus Amutse oyapula ovatoti veta opo vapitife meendelelo onotwa veta inasha noikwamahooli moshilongo momutumba wopashiwana metitatu nokwapula ovatoti veta vakwao opo vei yambidide noveitaleko yaendelela. Onotwa veta ngeenge oyapitifwa otaipe omupresidende eenghono opo akale oye tadulu okumona kutya oikwamahooli noikwanghono yopaushitwe yakwatelwapo nawa opo ovaNamibia aveshe vamoneko omauwanawa. 

Nonande ominista yati ngee oveta yapiti otaika eta omalunduluko eliwetikile molwaashi otapakatotwa oka komishi oko ta kaka ungaunga noikwamahoooi keifikamenapo okuwete kutya oilonga youministili otaikapupala kuvo, kakele opena ovanapolitika veheuditile ombili onotwa veta oyo , Tuhafeni Kalola akalelapo ongudu yo AR momutumba wopashiwana okwati kutya nakudimbulukiwe nawa nokutya omutwe woshilongo odula yadjako owati ovatoti veta navapitife eeveta ndele hakukala ashike tavapula omapulo. Kalola tatwikileko tati: Ngeenge owatale pandjokonona opena eeveta dimwe dapitifilwe meendelelo ngaho ndele okwali ashike dili mo uwa nawa woohandimwe, “nonghee itatu kapitifa eeveta inatu di dinda nawa fyee tukelipe ombedi lwanima”, Kalola ina yandja oshihopaenenwa shoveta imwe. 

Kalola otahokolola kutya onotwa veta otaipe omuPresitende eenghono ponhele ya Minista ou eli ominista yoikwanghono needjo dopaushitwe moshiongo, nokwaindile omutwe woshilongo opo ulongife ashike eenghono odo waufilwa kekotamango loshilongo shaNamibia. Omupedu wiliki wongudu yo NEFF Kalimbo Iipumbu naye okwati itapopile onotwa veta 

molwaashi ngeenge eenghono odakufwako koikondo ndele taditulwa keembelewa doohandimwe nena otashidulu okuya moshipala omatokolo oo tadulu okuningwa koikondo atonwe eenghono komaxwaxwameko opo una polilitika. 

-abbenghilai@gmail.com