Dalene Kooper
Luderitz – mukurona pamberewa Waterfront kampany, Samuehl Fluksman, kageve nye magano aga asi awo tava kadika hetera zonene ntani sipangero sopaumwene eyi yina kara asi simwe soyitumbukira yawo nava reta kovantu unene vatunga modoropa zaLuderitz yipo likare evango lyovadinguli ntani vapungwisi.
Fluksman katente asi ekuliko lyangesi talikakara limwe lyontambo zautatu omu vana kugazara asi waterfront tavakazitamununa, omu vana kuyimona asi tazikaretesapo evango ndi doropa ezi zekefuta yika moneke asi ekonomi lyosirongo kuna kuzakomeho. ‘’ Doropa kuna kutamunuka unene. Luderitz kuna kara evango tuna tambesere asi lykuliko.
Makura, Luderitz waterfront nkenye nkenye apa kukara asi komeho nomalikwamo gendi kukara nomvhura murongo komeho, nokudiva asi yinke yina kukahoroka. Apa nye ngesi, doropa kapi zina kuvhura kugava mararo kovadinguli owo vana kuwiza modoropa,’’ yimo ana kutanta Fluksman.
Age simpe kafatwilire nye kuhamena hotera ezi vana kugazara vakazidike, komeho tupu zikapwe mvhura ezi, omu yina kumoneka asi nayivatera vakagwene vagenda wovanzi omu navarugana maudano, neyiyompo.
Fluksman katente asi ekulimko lyangesi naliwapukurura una ngesefa ou.
Elikwamo nye eli lyokulipakerera paunangesefa vatulisepo sipangero nayininkisa tugwana vahakuli wovanene vawize momukunda. Mokukwama mwendi age Fluksman, yiruganeso eyi kuna hamenemo sokudamwisa nomutji, evango lyanavenye kapi hena ngavakahuguvara yitunde ponze zaNamibia.
Age kayididilikire asi projeka zangesi nazivatera nkarapamwe zomomukunda, noyirugana yoyinzi siruwo esi ntani posiruwo sokudika kuna kumoneka asi tavayirugana vatungimo moLuderitz rambangako vatungimo womo// Kharas .
‘’Projeka zokuhura apa, kuna kumoneka asi taziretesapo sirugana siruwo sokudika, konyara yirugana nayisika ko 150 eyi vana kundindira mwaza nomvhura mbali. Nsene nye vana yimana, hotera nazikakuta varugani wokusika ko 80 varugani wokukarererapo. ,’’ yimo na kutanta.
Age katente asi kukara novagenda wovanzi vanangesefa navagwanenamo mauwa ngwendi wonohotera, mavango gokutereka nondja, mavango gomaholi, ntani ugendero. ‘’
Sinzi sovantu kuwiza oku, yimo hena vana kuyaranda nondja, mararo nougendero. Yimo nye ekono lyosirongo alikuru ngoso, ntani nkenye silinga ono kuruganesa kuna kutanta Yuma.
Age kayididilikire asi kuwapukurura mavango gouhaku kupitira nye ponaumwene nayinkisa vagwane uhaku wouwa vavatere vatungimo ntani nokuvatera nongesefa domoLuderitz.
Noprojeka nadinye kuna kara delipakerero omu waterfront ana karamo no 25% omu ana kara nye nevhu lyokefuta ano ava nye wongesefa zomaumwene navagava nye simaliwa ntani navatunga nye etungo.
Fluksman kwatameka eyi nare nare, paapa gatameka nosirugana soWaterfront, omu vana kugava matungo, muna hamene public sguare, mararo, nomberewa ntani evango lyokurandesa nondja omu nokakara pepi nezenga.
-dkooper@nepc.com.na