Auleria Wakudumo
Ministera gonodoropa nekuliko nomukunda doponze James Sankwasa katente asi erudiko lyahepa kupitakana kulikida tupu nye yahepa kukara asi kuna kutundamo Yuma yina kukulika ekonomi. Mosihuyungwa sendi esi kava mukwatereremo Ministera gona, Eveline !Nawases moOkahandjaTourism no Trade Expo, Sankwasa katjokagwire vanangesefa asi vahepa kuwizapo nomagano gounangesefa.
Sankwasa katjangwilire Okahandja asi evango lyakara pontego oku avapitire vantu wovanzi mwakara mavango gokurandesera ntani evango lyovadinguli. Age katjangwilire erudiko asi kuna kara nye ngwendi yompo eyi twapinga makura twayitura hena yikare asi ekonomi lyokonomurudi oku yawapera.
Nampili ngoso, simpe katente asi kulituramo kwelike kapi yina gwanene. ‘’ Kukulika kuna kara asi simwe esi nomukara asi kuna kusilitambayika. Ame kuna kuhundira asi twahepa kuruganena kumwe, vanangesefa wopaumwene ntani vatungimo mevango olyo, yipo asi tutware ekuliko komeho,’’ yimo ana kutanta.
Ministera kayitjangwilire asi vahepa kuyitura momalikwamo, muna hamene matungo gekuliko, kugava mbatero kovanangesefa gona, kutura momatjingiso gelikwamo ntani kudeura nye vantu vadiveko Yuma. Sankwasa kagwedereko asi kuwapukurura yirugana yovantu, ngwendi nonzira, mambo, nonzugo dokulivaterera, ntani kugava nye yirugana, yina kara oyo asi mulyo unene yipo tukare nomukaro gomuwa govanangesefa.
Age simpe kagusire nye elikwamo lyovadinguli eyi ana kumona asi simwe sina kara nomukaro gomuwa paunangesefa. Age simpe katente asi evango nye eli vakara nalyo lyoyihongagura, nevango lyeyiyompo, vana kara monaruwa unene mokugava ngesefa kovarandi novadinguli. Age simpe kahundilre vanangesefa wokuyapungwisa nonompitisili donongesefa asi vahepa kuruganesa mpito ezi, ezi vana kuyagwana posiruwo esi setjingiso, kapisi asi kuya pungura tupu mongesefa nye vahepa kugava ko nako kovatungimo.
‘’ Kapisi tukare tupu nerudiko lyoyininke yokurandesa, nye twahepa kugavako magano ntani kutulisapo ngesefa zokuruganena kumwe. Simpe kahundilire asi vatungimo vahepa kufuta mukuli gwawo gondango zodoropa. Nokutanta asi kugwana yomutero mulyo unene kuninkisa ekuliko lize komeho.
Simpe kahundilire vatungimo moOkahandja asi vahepa kuruganesa varuganese nye PPP yipo vawapayike ekonomi. Ano nye ava vanangesefa gona, kuna kukondja nye asi vahwilire mounangesefa yipo nye vana kuruganesa elikwamo lyerudiko yina kara asi kuna kutateka.
–awakudumo@nepc.com.na