Ekoro limwe lyatunga momukunda gwaKongola poMwazi momukunda horowero Zambezi kavazumbanesere zinyakurwawo gomugara ntani vanona vatatu owo kavadogorokere momandaha ntani nkera morwa kavalire masini kavakohwere noyisima mosondaha.
Gonomvhura 67 mugara, ntani gonomvhura 11 munona gomukadonantani gonomvhutra mbali kavadogorokere tupu poopo kavalire yisima yomasini ano ava vavali simpe ngesi mosipangero vana kara moKatima Mulilo.
Nkera kositenguko, vaporosi kavatente hena asi gumwe gwawo wokulya yisima anadogoroka, age mumati.
Stembi Ziezo gonomvhura 11. Mokukwama vaporosi moZambezi, muhuyungilipo gwawo, spestora Kisco Sitali, kayinkondopekere asi nokutanta asi nakufa karende masini mondini zo 2l masini gomarure, aga karende kekoro lyendi momapeu, eyi mukadendi gayigeve nye asi yiyo navalya ezuva lyokukwamako.
Age katente asi konyima zokulya yisima oyo kumwe nomasini, mugara gomukondi, mukadendi ntani vanona vatatu tavatameke kurusagana.
Awo kwavadukisilire kosipangerogona, ano konyima tavavatumu nye kosipangero sosinene saKatima.
Nakufa Fredy Ziezo kadogorokere momandaha koyiha yovili 06h00, Prenah Matengu nage kadogorokere momandaha koyiha yo 18h30 ano Edgar Ziezo , ogu ana kara asi yige munonap[o unene, kadogorokere nkera koyiha yo 07h00.
Mukada nakufa simpe muzuni mweli mosipangero momupindu gomudona unene. Makona kono govaporosi kuna kutwikira omu navagwana ngano asi yinke nawa nawa kayininkisire vantu ava vafe.
– fhamalwa@nepc.com.na