Panduleni Gideon omunamido 24, oo a shivika nawa mowela ongaMs Gideon okwa ti oye Omunamibia wotete a shainwa kehangano lakula loSonny Music Africa, nokuudite kutya okushika eengalo kashi shi vali oshitalendi, ndele oshiima e shi dalelwa. 

Mafiku matalala omalungula okwa li e lipyakidi la nokuhalela omushikingalo ou omahaleloyambeko mawa, konima eshi a hoololwa ongaOmunamibia wotete a ka kufe ombinga nokukalelapo oshilongo kehango lakula leengalo Sonny Music Africa, olo li li moJohannesburg, South Africa. 

Ms Gideon okwa holola ehafo laye kutya okuudite omunelao shaashi opo ashike a waimine owela wokushika eengalo, ndele oilonga yaye oi liwetikile nale fiyo okondje yoshilongo. 

Mokavidio kamwe a pitifia komalungula, okwa yelifa kutya molweendo laye lokushika eengalo okwa ninga shihapu lela, osho yo e udite kutya osho she mu twala kokule. 

“Ondi udite unene etumba okutula edina laNamibia pombada, osho yo okuwaimina okapale kamwe novashikingalo vakula muAfrica,” ta ti. 

Mokavidio omo okwa yelifa kutya eengalo daye dihapu oda nyama unene kohole, nohe shi ningi shaashi vati ovanhu vahapu ove li va taalela oiningwanima ya yooloka efiku nefiku ngeenge tashi ya pohole. 

“Opo nee ndi dul e okutandavelifa ouyele nawa, ame ndi dule okuyandja omakumaido koshiwna pefimbo limwe, ohandi shi ningi nee momukalo wokwiimba,” ta ti. 

Okwa popya yoo kutya odula ya dja ko okwa kala ha indile Kalunga a dje mo moNamibia, naashi a tameka eenghundafana davo noSony Music Africa okwa kala e litula mo neenghono, opo ashike a dule oku shi pondola. 

Ms Gideon okwa ti Namibia okwa teelela okangalo kaye kotete kokodula koshi yedina “Tik Tak Tak” nokwa hala ovanhu ve ka pwiikine nelitulemo vo va shikule oitya yako. 

-taimihaihambo2000@ gmail.com