Auleria Wakudumo 

Oshinyandwa shofilima yaNamibia shedina ‘Life’ osho sha hala okutya onghalamwenyo osha tofwa mokati koinyandwa omayovi mounyuni kehangano lokunyanyangida eefilima ledina ‘Lift Off Filmmaker’. 

Oshinyandwanghalamwenyo osha kwatelwa komesho kuLeonard Tshikesho nosha pitifwa kuGustav Nuuyoma. 

‘Onghalamwenyo’ otai kufa ombinga momafiyafano moFeature Film Content hano ofilima dingi osho yo moAudience Choice hano ofilima dingi oyo tai ka hoololwa kovakwashiwana. 

Efiyafano otali ka kala ko neudo kehangano lokuninga eefilima ledina Lift Off. 

Eshi oshi li oshikando shitivali Lift Off ta ka kala e na efiyafano loludi la tya ngaha. 

Efiyafano ola hovela nale okudja momafiku 9 fiyo 23 Febuluali 2026 konhele yomanyanyangido eefilima Pinewood, United Kingdom. 

Lift Off okuli ehangano lakula mounyuni olo hali nyanyandida eefilima. 

Eshi oshili omhito iwa kofilima yaNamibia okuulikwa keefilima dakula. Onghalamwenyo otai holola okuxupa nonghalamwenyo moWindhoek unene momapandaanda aKatutura na unene moHavana. 

Oshinyandwa osha holola onghalo yovaliholi vavali, ovo va tulwa momashongo nelalakano okutala ngeenge ohole yavo otai xupu tuu mounyuni wopaife. 

Nonande ava vavali va taalelwa komashongo ngaashi oluhepo, ondjala nokuhaena oshimaliwa nomashongo makwao, ofilima otai ulike kutya okukala una eitavelo oshinima sha kula noto dulu okufinda aishe. 

Oshinyandwa eshi inashi ulikwa ile sha tumbalekwa kondje yoshilongo ndele osha hovela tete moNamibia. 

Etumbaleko okudja koLift Off otali holola eyambule po nexumokomesho leefilima ile oinyandwa yaNamibia. 

Nonande Namibia ena natango ondjila ile okuyambula po nokuxuma komesho eefilima, oinyandwa naikwao ngeenge tashiya koinima yoludi eli, eshi otashi holola kutya ovanyandi ovena omukumo kovanyandi. 

‘Onghalamwenyo’ oya danwa mo2024. Oyili imwe yomeefilima tadi yambula po oshikondo sheefilima moshilongo. 

Ovanamibia ovo va hala okutala okafilima aka otava dulu okutala komalungula oshoyo okuhoolola opo ka findane to shikula ko Checkout.liftoff.network/features-sessions-26-volume-2. 

-awakudumo@nepc.com.na