Abraham Mwanyekange

Ehangano lomakwatafano moNamibia MTC ola yandja oshimaliwa shi fike poN$300 000 kospana yopashiwana yokatanga kokeemhadi kovakainhu yaNamibia, Brave Gladiators.

Osha ningilwa moWindhoek onghela.

MTC oshimaliwa okwe shi yandja ongepandulo eshi o Gladiators ye shi endifa nawa nokufindana po ekopi loHollywood Cosafa petameko laMarsa olo la danenwa koSouth Africa. Omukulunhu koshikondo shomangeshefelo nomakwatafano mehangano lo-MTC Tim Ekandjo okwa ti oshimaliwa otashi topolelwa ovadani osho yo ovanambelewa ovo va li koSouth Africa mwa kwatelwa ovadeuli omo keshe umwe ta pewa mo oN$10 000. 

Ekandjo pefimbo ta pandula oGladiators okwa tumbaleka nokupupula kombuda ovo va dana onghandangala yakula mokuyambulapo okatanga kokeemh adi koomeme moNamibia. 

Vamwe a tofa mo ongaashi Jacqueline Shipanga osho yoJackie Gertze, ta ti nava kufilwe ko embale. 

Lovisa Mulunga, kaputaina woBrave Gladiators efimbo tava tambula omaano okwa pandula MTC osho yo-FNB Namibia molwokuyambidida oudano wokatanga kokeemhadi koomeme moshilongo. 

Omupeduminista welongo nomaudano Dino Balotti okwa indila ovadani voGladiators opo va kale tava fanekwa ouvidio ngeenge ve li komadeulo osho yo ngeenge tava dana opo ve va tume kesp ana dokondje yoilongo . 

“Onda hala mwa ka danena espana koilonga dokondje ngaashi kEurope,” Balotti ta ti. 

Omudeuli woBrave Gladiators Lucky Kakuva okwa yandja olupandu laye unene kovadeuli va deula oBrave Gladiators omido da ka pita. 

“Oiimati ei atu tyapula apa nena onye mwe i kuna nonghee onde mu pandula ngeno kamwa li po nena ngeno itatu ufanwa omanyakwa,” ta ti. 

Kakuva okwa indila omahangano opo a twikile okuyambidida omaudano moshilongo. 

-abbenghilai@gmail.com