Presidente Hage Geingob okwa shivifa kutya oshilongo ashishe paife otashi pate, nefiku lepato otali ka ya fiyo okomafiku 04 May 2020. Edi omupresidente okwe di shivifa Etivali loshivike eshi keumbo lepangelo.
Geingob okwa shivifa yoo kutya eengaba doshilongo do otadi ka patuluka momafiku 05 May 2020, sha hala kutya okudja mefiku omo, Namibia ota ka patulukila ovatalelipo, nOvanamibia otava dulu oku ka talela po kondje yoshilongo.
Onghendabala okupata oshilongo oya li ya tamekwa lwopexulilo laMaalitsa, noitukulwa Khomas nErongo oyo oshike ya li ya patwa. Ashike paife oshilongo oshishe otashi pate. Sha hala kutya oshiwana okwa teelelwa shi kale momaumbo, novanailonga ashike voilonga yopaulumomhumbwe ovo ashike tava ka efiwa ve linyengaanyenge.
“Ovanhu nave li ufe keemhango nomalandulafano epato opo va kwafele epangelo mokulwifa ombuto, inava teelela okufininikwa kovanambelelwa vokulaleka po oveta,” Geingob ta ti.